July 30, 2020
Thursday of the Seventeenth Week of Ordinary Time
Readings for Today – (reading options)
San Pedro Crisologo, Obispo ug Doktor sa Simbahan—Opsiyonal nga Handumanan
Paminaw sa Iningles
“Ingon niini ang mahitabo sa kataposan sa kapanahonan. Mogula ang mga anghel ug ilain ang mga daotan gikan sa mga matarong ug ilabay sila sa nagdilaab nga hudno, diin adunay paghilak ug pagkagot sa mga ngipon.” Mateo 13:49-50
Sa unang pagbasa, dili kaayo makapadasig kining mga pulonga, dili ba? Apan angay kini nga makapadasig kanato sumala sa katuyoan niini. Gituyo kini aron motisok kanato og usa ka “balaang kahadlok” ug sa samang higayon mopasalig kanato sa hustisya sa Dios. Makapadasig kini, apan dili sa naandang paagi nga atong gihunahuna.
Apan usahay nagkinahanglan kita og gamayng balaang kahadlok sa Dios ug sa Iyang hustisya diha sa atong kinabuhi. Sa atong panahon karon, ang sala padayon nga mas gidawat ug giisip nga “normal.” Ang kultura sa tibuok kalibotan daw padayon nga nagkaanam og pagkasekular. Daw nagkadaghan ang nagkalainlaing matang sa imoral nga pagkinabuhi. Tungod niini, sayon ra alang kanato nga magsugod sa pagtan-aw sa sala isip normal ug gani madawat. Sa pagkatinuod, kon atong tawgon ang sala nga sala, ang kalibotan kanunayng motawag kanato nga mahukmanon ug puno sa pagdumot.
Kon usahay mobati ka nga gipugos ka sa pagtugyan sa imoralidad nga naglibot kanimo ug sa “pagdawat na lang niini,” tingali kining teksto sa ibabaw makapadasig kanimo sa pagbuhat sa hingpit nga kasukwahi. Ang dili malalis nga kamatuoran mao nga gitawag ni Jesus ang pipila ka mga buhat nga sala, ug ang pagbuhat niining mga salaa adunay bug-at nga mga sangpotanan.
Mahimong kini mao ang halos dili mamatikdang batasan sa kultura nga himoong bisan unsa ang Adlaw sa Ginoo (Dominggo) gawas sa usa ka adlaw sa pagpahulay. O mahimong kini mao ang grabeng mga paglapas sa pagkabalaan sa kaminyoon ug sa kinabuhi sa pamilya pinaagi sa pag-usab sa kahulogan sa kaminyoon. Ang matag usa kanato siguradong makamatikod sa nagkalainlaing paagi diin atong mabati nga gihagit ug gani giatake ang atong pagtuo. Kon ingon niini ang imong kahimtang, kining teksto sa Balaang Kasulatan alang kanimo. Seryoso si Jesus bahin sa sala ug sa mga sangpotanan niini. Kini angay nga makapadasig kanato dili lamang sa pagkinabuhi nga balaan, kondili usab sa pagbuhat sa tanan natong mahimo aron matabangan kadtong nadani sa dili hustong mga kahilig sa kultura sa pag-usab sa ilang kinabuhi.
Pamalandongi karong adlawa kon unsa kalig-on ang imong pagsupak sa sala. Ang sala daotan ug makadaot. Kinahanglan nimong higugmaon kanunay ang tawo nga nakasala, apan dili gayod nimo angay suportahan o uyonan ang iyang mga buhat nga supak sa balaod sa Dios. Ang pagpabiling lig-on atubangan sa pagsupak sa kultura usa ka dakong buhat sa gugma ug mahimong makalingkawas sa pipila ka tawo, sa umaabot nga adlaw, gikan sa “paghilak ug pagkagot sa mga ngipon” nga gihisgotan ni Jesus.
Lord, where sin abounds grace abounds all the more. Your grace is so needed today in our world and in my life. Help me to stay strong in my opposition to evil and sin so as to be among those who are gathered into Your Kingdom. Give me courage to do all I can to help those on the path of destruction. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Saint of the Day – Saint Peter Chrysologus, Bishop and Doctor
Mga Kapilian sa mga Basahon sa Misa
Image: The Last Judgment by Giotto di Bondone
Lessons from Saint Thérèse:
The Wisdom of God’s Little Flower
_-_WGA09234.jpg){kind=link}