November 23, 2020
Monday of the Thirty-Fourth Week in Ordinary Time
Readings for Today
San Clemente I, Papa ug Martir—Dili Obligadong Handumanan
Beato Miguel Agustín Pro, Pari ug Martir—Dili Obligadong Handumanan sa USA
San Columbano, Abad—Dili Obligadong Handumanan
Paminaw sa Iningles
Sa paghangad ni Jesus, nakita Niya ang pipila ka adunahan nga naghulog sa ilang mga halad ngadto sa tipiganan sa mga halad, ug namatikdan Niya ang usa ka kabos nga biyuda nga naghulog og duha ka gagmayng sensilyo. Miingon Siya, “Sa pagkatinuod, sultihan Ko kamo, kining kabos nga biyuda naghulog og labaw pa kay sa tanan; kay silang tanan naghalad gikan sa sobra sa ilang bahandi, apan siya, bisan sa iyang kakabos, naghalad sa tanan niyang kabuhian.” Lucas 21:1-4
Labaw ba gayod ang iyang gihatag kay sa tanan? Sumala ni Jesus, oo! Apan sa unsang paagi? Kining tudling sa Ebanghelyo nagpadayag kanato kon giunsa sa Dios pagtan-aw ang atong paghatag kon itandi sa panglantaw sa kalibotan.
Unsa ba gayod ang paghatag ug pagkamanggihatagon? Nagdepende ba kini sa kadaghan sa atong kuwarta? O aduna bay mas lawom, nga anaa sa kinasuloran sa atong kasingkasing? Sa pagkatinuod, ang ulahi mao ang tinuod.
Ang paghatag, niining higayona, nagtumong sa kuwarta. Apan kini usa lamang ka pananglitan sa tanang matang sa paghatag nga gitawag kitang buhaton. Pananglitan, gitawag usab kita sa paghalad sa atong panahon ug mga talento ngadto sa Dios alang sa paghigugma sa isigkatawo, sa pagpalig-on sa Simbahan, ug sa pagpakaylap sa Ebanghelyo.
Tan-awa ang paghatag gikan niining panglantawa. Hunahunaa ang paghatag sa pipila ka dagkong santos nga nagpuyo nga wala mailhi sa kadaghanan. Si Santa Thérèse of Lisieux, pananglitan, naghalad sa iyang kinabuhi kang Kristo sa dili maihap nga gagmayng paagi. Nagpuyo siya sulod sa mga paril sa iyang kombento ug panagsa ra makig-uban sa kalibotan sa gawas. Busa, sa panglantaw sa kalibotan, gamay ra kaayo ang iyang gihatag ug gamay ra ang iyang nahimong kausaban. Apan karon giila siya nga usa sa labing bantog nga mga Doktor sa Simbahan tungod sa gamayng gasa sa iyang espirituhanong awtobiyograpiya ug sa pagpamatuod sa iyang kinabuhi.
Mahimo usab kining ikasulti mahitungod kanimo. Tingali usa ka sa mga puliki sa daw gagmay ug walay hinungdan nga inadlawng buluhaton. Tingali ang pagluto, pagpanglimpyo, pag-atiman sa pamilya, ug uban pa maoy nagkapuno sa imong adlaw. O tingali ang imong trabaho maoy naggamit sa kadaghanan sa imong panahon matag adlaw ug namatikdan nimo nga gamay na lang ang nahibiling panahon alang sa “dagkong” butang nga ikahalad kang Kristo. Ang tinuod nga pangutana mao kini: Giunsa sa Dios pagtan-aw ang imong inadlawng pag-alagad?
Pamalandongi karon ang imong tawag sa kinabuhi. Tingali wala ka tawga sa paggawas ug pagbuhat og “dagkong butang” sumala sa panglantaw sa publiko ug sa kalibotan. O tingali wala ka gani magbuhat og “dagkong butang” nga makita sulod sa Simbahan. Apan ang nakita sa Dios mao ang inadlawng mga buhat sa gugma nga imong ginahimo bisan sa kinagagmayang paagi. Ang kinasingkasing nga pagtuman sa imong inadlawng katungdanan, paghigugma sa imong pamilya, paghalad og mga pag-ampo matag adlaw, ug uban pa, mga bahandi nga imong ikahalad sa Dios matag adlaw. Nakita Niya kini ug, labaw sa tanan, nakita Niya ang gugma ug debosyon nga imong giubanan sa pagbuhat niini. Busa ayaw padala sa bakak ug kalibotanong pagsabot sa pagkabantogan. Buhata ang gagmayng butang uban sa dakong gugma ug madagayaon ang imong ikahalad sa Dios diha sa pag-alagad sa Iyang balaang kabubut-on.
Lord, I give myself to You and to Your service this day and every day. May I do all I am called to do with great love. Please continue to show me my daily duty and help me to embrace that duty in accord with Your holy will. Jesus, I trust in You.
Tan-awa ang among mga kapanguhaan alang sa Adbiyento!
Dugang nga mga Pamalandong sa Ebanghelyo
Mga Pamalandong sa Diosnong Kalooy
Saints of the Day – Saint Clement I Also Blessed Miguel Agustín Pro Also Saint Columban, Abbot
Mga Kapilian sa mga Basahon sa Misa
Featured image above: The Widow’s Mite By James Tissot
_-_James_Tissot.jpg){kind=link}