November 24, 2020
Tuesday of the Thirty-Fourth Week in Ordinary Time
Readings for Today
San Andrew Dung-Lac, Pari, ug iyang mga Kauban, mga Martir—Handumanan
Paminaw sa Iningles
“Mobangon ang nasod batok sa laing nasod, ug ang gingharian batok sa laing gingharian. Adunay kusog nga mga linog, mga gutom, ug mga kamatay sa nagkalainlaing dapit; ug adunay makalilisang nga mga talan-awon ug gamhanang mga timailhan nga magagikan sa langit.” Luke 21:10-11
Kining tagna ni Jesus siguradong matuman. Sa unsang paagi kini mahitabo sa tinuod? Wala pa kana nato makita.
Tinuod, adunay mga tawo nga mahimong moingon nga kining tagna natuman na karon sa atong kalibotan. Ang uban mosulay paglangkit niini ug sa ubang matagnaong mga tudling sa Balaang Kasulatan ngadto sa usa ka piho nga panahon o panghitabo. Apan sayop kini. Sayop kini tungod kay ang kinaiya mismo sa usa ka tagna mao nga natabonan pa sa misteryo ang kahulogan niini. Ang tanang tagna tinuod ug matuman, apan dili ang tanang tagna hingpit nga masabtan hangtod nga makaabot kita sa Langit.
Busa, unsay atong makuha niining matagnaong pulong sa atong Ginoo? Bisan tuod kining tudling mahimong nagtumong sa mas dagko ug tibuok-kalibotang mga panghitabo nga umaabot, mahimo usab kining mamulong kanato mahitungod sa atong kaugalingong piho nga mga kahimtang sa kinabuhi karon. Busa, angay natong tugotan ang Iyang mga pulong nga mamulong kanato taliwala niadtong mga kahimtanga. Usa ka piho nga mensahe nga gisulti kanato niining tudling mao nga dili kita angay mahibulong kon usahay daw nauyog hangtod sa kinauyokan ang atong kalibotan. Sa ato pa, kon makita nato ang kagubot, kadaotan, sala ug daotang tuyo sa atong palibot, dili kita angay mahibulong ug dili kita angay mawad-an sa kadasig. Usa kini ka mahinungdanong mensahe alang kanato samtang nagpadayon kita sa kinabuhi.
Alang sa matag usa kanato, mahimong daghan kitag masugatang “mga linog, mga gutom, ug mga kamatay” sa kinabuhi. Lainlain ang ilang porma, ug usahay mahimong hinungdan kini sa dakong kasakit ug kabalaka. Apan dili kinahanglang mao kana ang ilang sangpotanan. Kon masabtan nato nga si Jesus nahibalo sa kagubot nga mahimo natong masugatan ug nga giandam na gayod Niya kita alang niini, mas malinawon kita sa pag-abot sa mga kalisdanan. Sa usa ka pagsabot, makaingon lang kita, “Ah, usa kini niadtong mga butang, o usa niadtong mga higayon, nga giingon ni Jesus nga moabot.” Kining pagsabot sa umaabot nga mga hagit angay makatabang sa pag-andam kanato sa pag-atubang ug paglahutay niini uban sa paglaom ug pagsalig.
Pamalandongi karon ang piho nga mga paagi nga kining matagnaong pulong ni Cristo natuman sa imong kaugalingong kinabuhi. Hibaloi nga anaa si Jesus taliwala sa tanang daw kagubot, nga naggiya kanimo paingon sa mahimayaong kataposan nga Iyang gitagana alang kanimo!
Lord, when my world seems to cave in around me, help me to turn my eyes to You and to trust in Your mercy and grace. Help me to know that You will never abandon me and that You have a perfect plan for all things. Jesus, I trust in You.
Tan-awa ang among mga kapanguhaan alang sa Adbiyento!
Dugang nga mga Pamalandong sa Ebanghelyo
Mga Pamalandong sa Diosnong Kalooy
Santos sa Adlaw – San Andrew Dung-Lac, Pari, ug iyang mga Kauban, mga Martir
Mga Kapilian sa mga Basahon sa Misa
Featured image above: Jesus among the doctors at the Temple By Paolo Veronese
_grande.jpg){kind=link}