Pagkahalangdon sa Balaang Pagkaalagad

May 26, 2021
Wednesday of the Eighth Week in Ordinary Time
Readings for Today

Paminaw sa Iningles

Unya si Santiago ug si Juan, ang mga anak ni Zebedeo, miduol kang Jesus ug miingon kaniya, “Magtutudlo, gusto namo nga buhaton Mo alang kanamo ang bisan unsang among pangayoon Kanimo.” Mitubag Siya, “Unsa may gusto ninyo nga Akong buhaton alang kaninyo?” Mitubag sila Kaniya, “Itugot nga diha sa Imong himaya, makalingkod kami, ang usa sa Imong tuo ug ang usa sa Imong wala.” Marcos 10:35–37

Maisogon kaayo si Santiago ug si Juan. Tingali ang ilang kaisog naggikan, sa usa ka bahin, sa kamatuoran nga nasinati na nila pag-ayo ang pagkamaayo ni Jesus. Lahi Siya sa tanan, ug klaro kaayo alang kanila ang Iyang pagkamatinud-anon. Busa, natanggong sila sa lit-ag sa pag-abusar sa pagkamaayo ni Jesus pinaagi sa pagpangayo sa atong Ginoo og usa ka pabor alang lamang sa ilang kaugalingong kaayohan. Malumo ug mahunahunaon ang tubag ni Jesus, ug sa kataposan, medyo napaubos si Santiago ug si Juan tungod sa ilang pagsulay sa pag-angkon niining hakog nga pabor sa dihang ang ubang mga tinun-an “nasuko” sa ilang hangyo.

Gisumada ni Jesus ang Iyang tubag niining mga tinun-an sa ingon niini: “…bisan kinsa nga buot mahimong dako diha kaninyo kinahanglan mahimong inyong alagad; bisan kinsa nga buot mahimong una diha kaninyo kinahanglan mahimong ulipon sa tanan.” Siyempre, ilabina ang Iyang Kaugalingon ang gipasabot ni Jesus. Siya ang labing halangdon ug ang una diha kanila. Ug tungod niana, gipaubos ni Jesus ang Iyang Kaugalingon isip ilang alagad ug ang “ulipon sa tanan.” Kasagaran, negatibo kaayo ang kahulogan nga gilambigit sa pagkaulipon. Ang pagpangulipon usa ka pag-abuso sa dignidad sa laing tawo. Usa kini ka paagi sa pagsalikway sa dignidad sa tawo. Apan bisan pa niana, giingon ni Jesus nga ang hingpit nga paagi aron mahimong tinuod nga halangdon mao ang pagkahimong ulipon sa tanan.

Kon ang literal nga pagkaulipon ipugos ngadto sa laing tawo, grabe kini nga pag-abuso. Apan adunay laing matang sa balaang pagkaulipon nga gihisgotan ni Jesus. Alang kang Jesus, ang balaang pagkaulipon mao ang atong pagtugyan sa kaugalingon ngadto sa uban sa masakripisyohong paagi tungod sa gugma. Ug kini ang gibuhat ni Jesus sa hingpit. Ang Iyang kamatayon sa Krus usa ka tinuod nga pisikal nga kamatayon. Usa kini ka sakripisyo sa Iyang yutan-ong kinabuhi, apan gihimo kini nga gawasnon ug uban sa katuyoan nga mapahigawas ang uban. Sa paghisgot sa Iyang Kaugalingon, gipasabot ni Jesus ang Iyang balaang “pagkaulipon” sa dihang miingon Siya, “Kay ang Anak sa Tawo wala moanhi aron alagaran kondili aron moalagad ug mohatag sa iyang kinabuhi ingon nga lukat alang sa daghan.”

Ang pagkahalangdon ni Jesus unang makita sa yano nga kamatuoran nga Siya mao ang Dios. Apan ang Iyang pagkahalangdon labing dayag sa Iyang tawhanong kinaiya sa dihang Iyang gitugyan ang Iyang kinabuhi “ingon nga lukat alang sa daghan.” Ang Krus mao ang nahimong labing dakong buhat sa mahigugmaong pag-alagad nga nailhan sukad. Ang bunga sa Iyang sakripisyo nga walay paghunahuna sa kaugalingon mao ang kaluwasan sa tanan nga modangop Kaniya. Sa ingon, gihimo ni Jesus ang pagkaulipon ug kamatayon nga labing dakong buhat sa gugma nga nailhan sukad.

Pamalandongi karong adlawa ang imong kaugalingong tawag sa pagkinabuhi sa balaang pagkaulipon. Sa unsang paagi ka gitawag sa Dios sa paghalad sa imong kaugalingon ngadto sa uban uban sa pagsakripisyo tungod sa gugma? Gikan sa panglantaw nga tawhanon lamang, lisod sabton ang ideya sa sakripisyo, pagkaalagad, ug bisan sa balaang pagkaulipon. Apan kon atong himoong sulondan si Jesus, mas moklaro kini. Pangitaa ang mga paagi nga ikahalad nimo ang imong kaugalingon ngadto sa uban nga walay paghunahuna sa kaugalingong kaayohan, ug hibaloi nga kon mas masundog nimo ang atong Ginoo niining balaang paningkamot, mas mahimong halangdon ang imong kinabuhi.

Lord of all holiness, Your greatness was made manifest in Your human nature by Your act of perfect servitude when You freely chose to die for the sins of those who turn to You for redemption. You humbled Yourself, taking on the form of a slave, so that all could be set free. Help me to always trust in Your great love and to continually open myself to the gift of redemption You offer. Jesus, I trust in You.