Saturday, December 22, 2018
Saturday of the Third Week in Advent
Paminaw sa Iningles
“My soul proclaims the greatness of the Lord; my spirit rejoices in God my savior. For he has looked upon his lowly servant. From this day all generations will call me blessed: the Almighty has done great things for me, and holy is his Name.” Luke 1:46-49
Kini nga awit nagpadayag sa kalipay diha sa kasingkasing sa Inahan sa Dios. Mapainubsanon niyang giila ang dagkong mga butang nga gibuhat sa Dios alang kaniya ug gipahayag ang iyang kinahiladmang kalipay.
Makapainteres nga matikdan nga ang iyang “kalag” ug ang iyang “espiritu” parehong gihisgotan niining awit sa pagdayeg. Ang iyang kalag “nagmantala” ug ang iyang espiritu “nagmaya.” Unsay gipadayag niini?
Sa usa ka bahin, gipadayag niini ang iyang kaugalingong lihok ug ang lihok sa Dios. Ang “kalag” sa atong Bulahang Inahan nagtumong sa tanan niyang tawhanong katakos diha sa iyang hunahuna, kabubut-on, mga pagbati ug mga tinguha. Kini ang naghimo kaniya nga tawo. Ug pinaagi niining tawhanong mga katakos, iyang gimantala ang pagkagamhanan sa Dios. Sa laing pagkasulti, pinaagi sa iyang hunahuna nasabtan niya ang pagkagamhanan sa Dios, pinaagi sa iyang kabubut-on giila niya ug gipili ang pagmantala sa Iyang pagkagamhanan, ug gibuhat niya kini uban sa tanan niyang mga pagbati, mga emosyon ug mga tinguha. Ang iyang tibuok pagkatawo napuno sa pagkagamhanan sa Dios!
Gipadayag usab niini nga diha sa iyang “espiritu,” napuno siya sa mahimayaong gasa sa kalipay. Samtang gimantala niya ang pagkagamhanan sa Dios, gibaha siya sa Espiritu Santo ug gipatubo diha kaniya kining espirituhanong bunga. Ang kalipay naggikan sa Dios nga aktibong naglihok sulod sa atong kinabuhi. Kini usa ka bunga sa Espiritu Santo, ug ang atong Bulahang Inahan nakabaton niining gasaha sa hingpit nga kahingpitan niini.
Pamalandongi karon ang imong kaugalingong kalag ug espiritu. Gisundog ba nimo ang hingpit nga panig-ingnan sa atong Bulahang Inahan samtang naningkamot siya sa pag-ila, paghigugma ug pagmantala sa pagkagamhanan sa Dios uban sa iyang tibuok pagkatawo? Ug gitugotan ba nimo ang Espiritu Santo sa pagpuno sa imong espiritu sa kalipay? Hangyoa ang atong Bulahang Inahan nga mag-ampo alang kanimo samtang nagkaduol kita sa Pasko. Pangayoa ang grasya sa “pagmantala” ug “pagmaya” uban kaniya sa umaabot nga pagsaulog sa pagkatawo sa iyang Diosnong Anak aron ikaw usab makaawit sa iyang awit sa pagdayeg!
Dearest Mother, you offer us the perfect example of how to live as a faithful and humble servant of the Most High God. You proclaimed His greatness with your whole being and were filled with joy at His coming. Help me, by your powerful intercession, to imitate your faith and to love God with my whole being. Mother Mary, pray for me. Jesus, I trust in You.
