Ang Gugma sa Dios

Sunday, May 26, 2019

Sixth Sunday of Easter, Year C

Paminaw sa Iningles

Jesus said to his disciples: “Whoever loves me will keep my word, and my Father will love him, and we will come to him and make our dwelling with him.” John 14:23

Gusto ba nimo nga ang atong Ginoo moanha kanimo ug mopuyo sa kahiladman sa imong kalag? Lagmit sayon ra alang kanimo ang pagtubag og “Oo.” Ang paagi aron mahitabo kini mao ang paghigugma sa Dios ug pagtuman sa Iyang pulong. Kon buhaton nimo kana, ang Balaang Trinidad moanha ug mopuyo diha kanimo.

Makapainteres nga ang gugma sa Dios daw nagdepende sa atong paghigugma Kaniya. Sa laing pagkasulti, mahigugma ba lamang ang Dios kanato kon kita maoy unang mahigugma Kaniya? Sa tukmang pagkasulti, gihigugma kita sa Dios sa hingpit nga gugma, nahigugma man kita Kaniya o wala. Apan bisan pa niana, ang gugma adunay bag-ong dagway kon kini dawaton ug balosan. Busa, kon mopili kita sa paghigugma sa Dios, kalit natong maamgohan nga ang atong gugma Kaniya nag-abli sa pultahan aron Siya moanha ug mopuyo dinhi kanato, magbag-o kanato ug maghimo sa atong kasingkasing nga Iyang balaang sangtuwaryo. Pagkamahimayaon nga gasa!

Makapainteres usab nga timan-an nga ang paghigugma sa Dios nagpasabot, sa usa ka bahin, nga kita masinugtanon Kaniya. Apan mao kana ang kinaiya sa Dios. Siya mismo ang Gugma ug, busa, ang paghigugma Kaniya nagkinahanglan gayod sa hingpit nga pagpasakop sa imong kabubut-on ngadto sa Iyang kabubut-on. Ang hingpit nga pagkamasinugtanon Kaniya sa tanang butang usa ka gamhanang paagi sa paghigugma Kaniya. Usa kini ka paagi sa pagtugot Kaniya nga mopuyo diha kanimo ug, pinaagi nianang buhata, nga Siya maoy magdumala sa imong kabubut-on. Niana lamang nimo Siya mahigugma sa mas hingpit pa gayod nga paagi uban sa imong tibuok pagkatawo.

Pamalandongi karon, ilabina, ang imong tinguha nga ang Labing Balaang Trinidad moanha ug mopuyo sa imong kalag. Kini ang angay nga mahimong nag-unang tumong sa atong kinabuhi. Kon ang Dios nagpuyo dinhi kanato, ang tanan nga uban pang butang sa kinabuhi mahimutang sa hustong dapit. Ang tanang butang makatabang alang sa kaayohan ug ang Dios pagahimayaon dinhi kanato ug pinaagi kanato. Pilia karong adlawa ang paghigugma Kaniya pinaagi sa imong pagkamasinugtanon, ug ang inyong relasyon sa gugma molambo pag-ayo.

Lord, I do love You and desire to love You in a more perfect way this day. Help me to submit to Your perfect will in all things. Help me to embrace perfect obedience to You always. In that act of love and submission, come and make Your dwelling within me. Jesus, I trust in You.

Dugang nga mga Pamalandong sa Ebanghelyo

Mga Pamalandong sa Diosnong Kalooy

Saint of the Day – Saint Philip Neri