Sunday, September 8, 2019
Twenty-Third Sunday in Ordinary Time, Year C
Birth of the Blessed Virgin Mary – Feast
Paminaw sa Iningles
“Kinsa kaninyo nga nagtinguha sa pagtukod ug torre ang dili una molingkod ug mokuwenta sa gasto aron masuta kon igo ba ang iyang ikahuman niini?” Lucas 14:28
Andam ka ba alang sa tanan nga gitinguha sa Ginoo gikan kanimo? Kining mubo nga pangutana sa ibabaw, nga wala magkinahanglan ug tubag, maoy paagi ni Jesus sa pag-ingon nga kinahanglan kang mangandam. Kon magtukod ka ug torre, hinaot nga magmaigmat ka sa pagplano daan, aron masiguro nga igo ang imong mga kapanguhaan sa paghuman niini. Ingon usab niini ang espirituhanong kinabuhi. Hinungdanon nga sigurohon nato nga anaa kanato ang tanang kapanguhaan nga gikinahanglan aron makapili kita sa pagsunod kang Cristo.
Nagpatungha kini sa pangutana, “Unsa nga mga kapanguhaan ang akong gikinahanglan aron makasunod kang Cristo?” Yano ra ang tubag. Si Jesus nag-ingon sa kataposan niining Ebanghelyo, “Sa samang paagi, bisan kinsa kaninyo nga dili mobiya sa tanan niyang kabtangan dili mahimong akong tinun-an” (Lucas 14:33). Sa laing pagkasulti, kon gusto natong maangkon ang tanan nga atong gikinahanglan aron matuman ang kabubut-on sa Dios sa atong kinabuhi, kinahanglan natong itugyan ang tanan ngadto sa Dios.
Ang pagkahimong tinun-an ni Cristo dili usa ka butang nga mahimo natong tunga-tunga lamang ang kasingkasing, bisan pa nga daghan ang nagsulay niini. Kon mopili kita sa pagsunod Kaniya, kinahanglan nga tibuok kasingkasing ang atong pagsunod. Kinahanglan ihatag nato ang tanan, ingnon ta. Kay kon dili, dili gayod nato matuman ang tanan nga gipangayo sa atong Ginoo gikan kanato. Dako ang gipangayo Niya isip Dios, sa diwa nga gusto Niya ang tanan gikan kanato. Apan kining gipangayo sa atong Ginoo alang gayod sa atong kaugalingong kaayohan. Kinahanglan natong ihatag Kaniya ang tanan kon gusto nato ang kalipay ug katagbawan sa kinabuhi.
Pamalandongi karon kon unsa ka kaandam ug kamauyon sa paghatag sa matag bahin sa imong kinabuhi ngadto kang Cristo. Andam ka bang moingon ug “Oo” Kaniya bisan unsa pa man? Andam ka bang walay ibilin alang sa imong kaugalingon ug “mobiya sa tanan nimong kabtangan” kon pangayoon Niya kini? Mahimong daghan ka ug mga kabtangan, ug bisan kon dili ka tawgon sa atong Ginoo sa pagbiya sa tanan nimong kabtangan sa literal ug pisikal nga paagi, kinahanglan gihapon nimong itugyan Kaniya ang tanan nimong gipanag-iya ug ang tibuok nimong pagkatawo. Nianang higayona lamang Niya mahatag kanimo ang imong gikinahanglan aron matuman ang Iyang labing mahimayaong kabubut-on.
Lord, my life is Yours. Please give me the grace to surrender everything that makes up my life to You without reserve. I surrender to You my life, my finances, my possessions, my family, my labors and my entire future. All is Yours, dear Lord. Do with me what You will. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Saint of the Day – Birth of the Blessed Virgin Mary
