December 7, 2019
Saturday of the First Week of Advent
Readings for Today
San Ambrosio, Obispo ug Magtutudlo sa Simbahan—Paghandum
Paminaw sa Iningles
“Nakadawat kamo nga walay bayad; paghatag usab kamo nga walay bayad.” Matthew 10:8b
Unsa man ang atong nadawat “nga walay bayad?” Aw, nadawat nato ang matag maayong butang nga walay bayad. Tinuod gayod! Ang tanan nga maayo gasa gikan sa Dios. Ug kini gasa nga Iyang gihatag nga walay bayad. Wala kitay mahimo aron angayan kitang makadawat sa Iyang mga panalangin sa atong kinabuhi. Nagtuo ka ba niini?
Ang kinutlo sa Kasulatan sa ibabaw kabahin sa pahimangno ni Jesus ngadto sa Iyang Napulog Duha ka Apostoles sa dihang Iya silang gipadala aron pagsangyaw, pag-ayo ug paghingilin sa mga demonyo sa Iyang ngalan. Gipahinumdoman Niya sila nga ang tanan nilang nadawat gikan Kaniya usa ka gasa nga walay bayad ug nga sila usab kinahanglang mopahat sa Ebanghelyo ngadto sa tanan nga walay bayad.
Ang Adbiyento usa ka panahon nga angay natong ipunting sa pinasahi nga paagi ang atong pagtagad sa umaabot nga pagsaulog sa Gasa sa Pasko. Ang Pasko usa ka panahon sa paghatag ug pagdawat og mga gasa, apan importante nga masabtan ang kalainan tali sa usa ka “gasa” ug usa ka “regalo.” Ang regalo usa ka butang nga gipaabot nga madawat. Pananglitan, ang imong kapikas o anak nagpaabot og regalo sa ilang adlawng natawhan o sa Pasko. Apan ang gasa labaw pa niana. Ang gasa usa ka butang nga kinabubut-ong gihatag, dili isip balos sa nahimo ug dili tungod kay takos ang nagdawat niini. Gihatag kini tungod sa gugma, nga walay kondisyon. Mao kini ang kahulogan sa Pagpakatawo sa Anak sa Dios.
Ang Adbiyento kinahanglang mahimong panahon sa pagpamalandong sa kamatuoran nga ang Dios mianhi sa kalibotan aron ihatag kanato ang Iyang kaugalingon sa kinabubut-on, bisan dili kita takos niini. Ang Iyang kinabuhi usa ka Gasa kanato nga hingpit nga walay bayad ug mao ang labing dakong Gasa nga atong nadawat sukad. Sa ingon usab, ang Adbiyento kinahanglang mahimong panahon sa pagpamalandong sa atong tawag sa pagdala sa Gasa nga mao si Kristo Jesus ngadto sa uban.
Pamalandongi karong adlawa ang paghatag ug pagdawat kang Jesus sa imong kinabuhi. Tugoti nga mapuno sa pagpasalamat ang imong kasingkasing niining Adbiyento aron ikaw usab makahatag sa Gasa nga mao si Jesus ngadto sa uban.
Lord, thank You for the Gift of Your life. Thank You for coming to Earth to enter into my life. Thank You for the joy of knowing You and loving You. May I allow this joy to so transform my life that I may continually seek to give You to others. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Saint of the Day – Saint Ambrose, Bishop and Doctor—Memorial
Watch on YouTube
