December 9, 2019
Solemnity of Immaculate Conception of the Blessed Virgin Mary
(Note: Today’s Solemnity was transferred from December 8 to today)
Paminaw sa Iningles
Miingon si Maria, “Ania ako, ang sulugoon sa Ginoo. Matuman unta kanako sumala sa imong pulong.” Lucas 1:38a
Malipayong Solemnidad! Kini usa ka adlaw nga angay sa pagsaulog! Karong adlawa, atong gipasidunggan ang mahimayaon ug milagrosong Imakulada Konsepsyon sa atong Mahal nga Inahan, usa ka buhat sa labing lawom nga kalooy sa Dios.
It is fitting that we see the Immaculate Conception as an act of profound mercy. Why is that so? What is it about this solemnity that is so closely linked to mercy?
Ang kalooy usa ka walay bayad nga gasa sa Dios. Sa “walay bayad,” atong gipasabot nga kini dili tungod sa atong katakos o sa bisan unsang atong nahimo aron maangkon kini. Ang Dios walay obligasyon nga mohatag kanato og kalooy. Kon aduna pa, dili na kini kalooy, kondili atong katungod. Apan wala kitay katungod nga makaangkon og kalooy. Kinabubut-on kining gihatag sa Dios, ug madagayaon Niya kining gihatag.
Mahitungod niining mahimayaong Solemnidad sa Imakulada Konsepsyon, mahinungdanon nga tan-awon kini isip usa ka walay bayad nga gasa gikan sa duha ka panglantaw. Una, ang “Imakulada Konsepsyon” nagpasabot nga sa dihang gilalang sa Dios ang Bulahang Birheng Maria, gilalang Niya siya nga walay sala. Nahitabo kini pinaagi sa gitawag natog nag-una nga grasya. Kining grasyang gihatag kaniya usa ka buhat sa hingpit ug walay bayad nga kalooy sa Dios. Wala niya kini maangkon pinaagi sa iyang mga buhat o tungod sa iyang katakos; hinuon, sa Iyang kaayo, gipili sa Dios nga lalangon siya nga walay orihinal nga sala aron adunay angay nga galamiton nga pinaagi niini ang Anak makaabot sa kalibotan. Si Maria, sa iyang bahin, midawat niining gasaha ug mipili nga magpabiling walay sala sa tibuok niyang kinabuhi pinaagi sa makanunayong paggamit sa iyang gawasnong pagbuot.
Ikaduha, sa paglalang sa atong Mahal nga Inahan nga walay mansa sa sala, wala siya angkona sa Dios alang lamang sa Iyang kaugalingon. Wala Siya magdinalo kaniya. Hinuon, gipili Niya nga himoon kining hingpit nga binuhat Niya nga atong kaugalingong inahan. Ang Inahang Maria nga walay mansa sa sala mao na karon ang atong espirituhanong inahan sa kahikayan sa grasya ug kalooy sa Dios. Kini usab usa ka buhat sa hingpit ug walay bayad nga kalooy sa atong mahigugmaong Dios. Dili kita takos sa ingon niini nga espirituhanong inahan ug tigpanalipod, apan ania siya kanato ug kanunay siyang nag-ampo alang kanato ug naghatag kanato og daghang grasya gikan sa Dios, sama sa buhaton sa usa ka hingpit nga inahan.
Pamalandongi karong adlawa kining duha ka walay bayad nga gasa sa kalooy sa Dios: 1) Tungod sa kalooy, gilalang Niya si Maria nga walay mansa sa sala, ug 2) Gihatag Niya siya kanato isip atong kaugalingong inahan ug rayna. Dangop sa iyang inahanong pag-atiman karong adlawa ug sa tibuok tuig!
Dearest Mother my Queen, I gaze upon the beauty and holiness of you who, though a mere creature, are perfect in every way. You have been granted this singular and gratuitous grace from God with which you perfectly cooperated. May I always rely upon your motherly love and care and may I always allow you to bestow the grace of God upon me in accord with the Father’s plan. You, dearest mother, are a gratuitous gift of Mercy to us all! Mother Mary, I love you. Pray for me. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Pag-ampo sa atong Mahal nga Inahan
Further Reading – Solemnity of Immaculate Conception of the Blessed Virgin Mary
Santos sa Adlaw – San Juan Diego, Ermitanyo
Watch on YouTube
