December 18, 2019
Advent Weekday
Readings for Today
Paminaw sa Iningles
The angel of the Lord appeared to Joseph in a dream and said, “Joseph, son of David, do not be afraid to take Mary your wife into your home. For it is through the Holy Spirit that this child has been conceived in her. She will bear a son and you are to name him Jesus, because he will save his people from their sins.” Matthew 1:20b-21
Gamay ra ang atong nahibaloan bahin kang San Jose, apan hunahunaa ang kahinungdanon sa iyang tahas sa kasaysayan sa kaluwasan. Gitugyan ngadto kaniya ang Anak sa Diyos isip iyang gamayng anak. Sa sinugdan, nalibog siya kon sa unsang paagi namabdos si Maria, apan sa dihang nadawat niya ang mga pulong sa anghel diha sa usa ka damgo, gidawat niya kining Bataa isip iyang kaugalingong anak ug giatiman Siya uban sa gugma sa usa ka amahan.
Mahinungdanong timan-an nga gidawat ni San Jose ang Batang Kristo tungod sa usa ka damgo. Apan damgo ra ba gayod kadto? Kitang tanan adunay daghang damgo ug ang uban niini talagsaon ug walay kahulogan. Busa nganong misalig man si San Jose nga tinuod kining damgoha?
Yano ra kaayo ang tubag niini nga pangutana. Bisan tuod damgo ra gayod ang iyang nasinati, giubanan usab kini sa gasa sa pagtuo. Nasayod si Jose, uban sa kasigurohan nga labaw sa tawhanong pangatarongan, nga ang tingog sa Diyos nakigsulti kaniya, ug mitubag siya uban sa pagtuo nga kinasingkasing ug madagayaon.
Tingali wala kitay mga damgo diin ang Diyos nakigsulti kanato pinaagi sa pagpakita sa usa ka anghel, apan ang Diyos nakigsulti gayod kanato sa tibuok adlaw. Direkta Siyang nakigsulti sa atong hunahuna ug kasingkasing, ug usab pinaagi sa pag-atiman ug pagpataliwala sa dili maihap nga panon sa mga anghel sa nagkalainlaing paagi. Ang mga anghel sa Diyos kanunayng nagdala kanato ug mga mensahe ug inspirasyon gikan sa Diyos. Ang pangutana mao kon naminaw ba kita o wala.
Ang pagpaminaw sa tingog sa Diyos, pinaagi sa pagpataliwala sa mga anghel, wala magpasabot nga literal natong makita o madungog ang mga anghel nga nagsulti. Hinuon, kini mao ang pag-ila niining pinulongan sa gugma nga gipamulong kanato ug nagtawag kanato sa pagtuo.
Karong adlawa, paminaw diha sa kahilom sa imong kasingkasing, ug tugoti ang imong kaugalingon sa pagsunod sa mahimayaong pagpamatuod ni San Jose sa iyang pagtubag sa kabubut-on sa atong Ginoo uban sa hingpit nga pagtuo ug pagsalig.
Lord, I long to hear Your sweet voice. I long to know all that You command of me and all that You inspire me to embrace in life. Give me the grace I need, to follow every inspiration in life so that I may fulfill Your perfect and holy will. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos/Kasaulogan Karong Adlawa
