March 17, 2020
Tuesday of the Third Week of Lent
Readings for Today
San Patrick, Obispo—Opsiyonal nga Paghandom
Paminaw sa Iningles
Ang sulugoon miluhod, miyukbo sa pagpasidungog kaniya, ug miingon, “Pasensiyahi ako, ug bayran ko ikaw sa tanan.” Natandog sa kaluoy ang agalon sa maong sulugoon, busa gipagawas niya kini ug gipasaylo ang utang niini. Mateo 18:26–27
Kini usa ka sugilanon bahin sa paghatag ug pagdawat sa pasaylo. Makapainteres nga sa kasagaran mas sayon ang pagpasaylo kay sa pagpangayo og pasaylo. Ang kinasingkasing nga pagpangayo og pasaylo nagkinahanglan nga matinud-anon nimong ilhon ang imong sala, ug lisod kini buhaton. Lisod ang pag-angkon sa responsibilidad sa atong mga nabuhat nga sayop.
Niining sambingaya, daw kinasingkasing ang pagpangayo sa tawo nga pasensiyahan siya sa iyang utang. Siya “miluhod” atubangan sa iyang agalon, nangayo og kaluoy ug pagpailob. Ug ang agalon mitubag uban sa kaluoy pinaagi sa pagpasaylo sa iyang tibuok utang—labaw pa gani kay sa gipangayo sa sulugoon.
Apan kinasingkasing ba gayod ang sulugoon o maayo lang siyang magpakaaron-ingnon? Daw maayo lang siyang magpakaaron-ingnon kay sa dihang gipasaylo na ang iyang dakong utang, iyang nahibalag ang usa ka tawo nga adunay utang kaniya. Imbes nga mopasaylo sama sa pagpasaylo kaniya, “Iyang gidakop kini ug gisugdan pagtuok, nga nag-ingon, ‘Bayri ang imong utang.’”
Ang pagpasaylo, kon tinuod gayod, kinahanglang motandog sa tanang bahin sa atong pagkatawo. Kini usa ka butang nga kinahanglan natong pangayoon, ihatag, dawaton, ug ihatag pag-usab. Ania ang pipila ka mga punto nga imong palandongon:
- Matinud-anon ba nimong makita ang imong sala, mobati og pagbasol niini, ug makaingon sa laing tawo, “Pasayloa ako”?
- Kon pasayloon ka, unsay epekto niini kanimo? Makapahimo ba kini kanimo nga mas maluluy-on ngadto sa uban?
- Makahatag ka usab ba sa samang gidak-on sa pasaylo ug kaluoy nga imong gilaom nga madawat gikan sa Dios ug sa uban?
Kon dili ka makatubag og “Oo” sa tanan niining mga pangutana, nan kining sugilanona gisulat alang kanimo. Gisulat kini alang kanimo aron matabangan ka nga mas motubo diha sa mga gasa sa kaluoy ug pagpasaylo. Lisod atubangon kining mga pangutanaha, apan kinahanglan kining atubangon kon gusto natong mahigawas sa mga palas-anon sa kasuko ug pagdumot. Bug-at nga palas-anon alang kanato ang kasuko ug pagdumot, ug gusto sa Dios nga mahigawas kita niini.
Palandonga karon ang mga pangutana sa ibabaw ug susiha ang imong mga binuhatan diha sa pag-ampo. Kon adunay pagsukol sa imong kasingkasing niining mga pangutanaha, tutoki ang punto nga nakatandog kanimo, dad-a kini sa pag-ampo, ug tugoti ang grasya sa Dios nga mosulod aron magdala og mas lawom nga pagkakabig nianang bahina sa imong kinabuhi.
Lord, I do acknowledge my sin. But I acknowledge it in the light of Your abundant grace and mercy. As I receive that mercy in my life, please make me just as merciful toward others. Help me to offer forgiveness freely and fully, holding nothing back. Jesus, I trust in You.
40 Days at the Foot of the Cross – Reflection Twenty – The Innocence of the Lamb of God
Mga Kapanguhaan alang sa Kwaresma
A Prayer to Combat the Coronavirus Pandemic
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos/Kasaulogan Karong Adlawa
Mga Kapilian sa mga Basahon sa Misa
