April 6, 2020
Monday of Holy Week
Readings for Today
Paminaw sa Iningles
Mikuha si Maria ug usa ka litro sa mahalong pahumot nga lana nga hinimo sa lunsay nga humot nga nardo, ug gidihogan niya ang mga tiil ni Jesus ug gipahiran kini sa iyang buhok; napuno ang balay sa kahumot sa lana. John 12:3
Pagkamapainubsanon ug pagkamaanindot nga buhat sa gugma alang kang Jesus. Kini nga pahumot nagkantidad sa suhol sa 300 ka adlaw nga pagtrabaho. Dako kaayo kana nga kantidad! Makapainteres nga misupak si Judas niini nga buhat, nga nag-ingon nga ang pahumot unta gibaligya ug ang halin gihatag sa mga kabos. Apan klarong gipahayag sa Ebanghelyo nga ang kuwarta ra gayod ang tuyo ni Judas, kay naanad man siya sa pagpangawat gikan sa sudlanan sa kuwarta. Mas angay pang hatagan og pagtagad ang tubag ni Jesus kang Judas. Gibadlong ni Jesus si Judas ug miingon, “Pasagdi siya. Ipatipig kini kaniya alang sa adlaw sa akong paglubong. Kanunay ninyong makauban ang mga kabos, apan dili ninyo ako kanunayng makauban.”
Kon laing tawo pa ang nagsulti niini, morag kaugalingon ra niya ang iyang gihunahuna. Apan si Jesus ang nagsulti niini, ug ang Iyang gugma hingpit nga walay pagkamakaugalingon. Busa unsa man gayod ang kahulogan niini? Nahibalo si Jesus kon unsa ang gikinahanglan ni Maria. Ug pinaagi sa Iyang gisulti, gipadayag Niya kon unsa ang gikinahanglan sa matag usa kanato. Kinahanglan nato Siyang simbahon, pasidunggan ug himoong sentro sa atong kinabuhi. Kinahanglan kitang magpaubos sa atong kaugalingon sa Iyang atubangan ug mag-alagad Kaniya. Dili tungod kay gikinahanglan Niya nga ingon niini ang atong pagtagad Kaniya, kondili tungod kay kita ang kinahanglan motagad Kaniya sa ingon niini nga paagi. Ang pagpasidungog Kaniya uban sa pagkamapainubsanon ug gugma mao ang kinahanglan natong buhaton alang sa atong kaugalingong pagkabalaan ug kalipay. Nahibalo si Jesus niini, busa gipasidunggan Niya si Maria tungod niining buhat sa gugma.
Kini nga sugilanon nagdapit kanato sa pagbuhat usab niini. Nagdapit kini kanato sa pagtan-aw kang Jesus ug sa paghimo Kaniya nga sentro sa atong pagsimba ug gugma. Nagdapit kini kanato sa kinabubut-ong pagtugyan sa tanang bunga sa atong kahago alang Kaniya (nga gisimbolohan sa pahumot nga nagkantidad sa suhol sa 300 ka adlaw nga pagtrabaho). Walay bisan unsang butang nga sobra kamahal nga ihalad kang Jesus. Walay bisan unsang butang nga mas bililhon pa kay sa usa ka buhat sa atong pagsimba.
Ang pagsimba sa Diyos mao ang angay natong buhaton. Labaw sa tanan, kini usa ka buhat nga magbag-o kanimo aron mahimo kang tawo sumala sa katuyoan sa paglalang kanimo. Gilalang ka aron mosimba ug modayeg sa Diyos, ug matuman kini kon mapainubsanon nimong pasidunggan ang atong Ginoo sa tibuok mong kaugalingon.
Pamalandongi karong adlawa ang kalawom sa imong kaugalingong pagsimba sa atong Ginoo. Andam ka bang “ibubo” Kaniya ang tanan mong panginabuhian? Mas bililhon ba Siya alang kanimo kay sa suhol sa 300 ka adlaw nga pagtrabaho? Siya ba gayod ang sentro sa imong kinabuhi? Kada adlaw ba nimong gipaubos ang imong kaugalingon sa Iyang atubangan ug gibubo ang sulod sa imong kasingkasing ngadto Kaniya diha sa pag-ampo? Pamalandongi kining mapainubsanong buhat sa pagsimba nga gihalad ni Maria kang Jesus ug paningkamoti nga sundogon ang iyang maanindot nga panig-ingnan.
Lord, may I follow the example of this holy woman, Mary. Help me to humble myself before You and honor You with my whole life. Dear Lord, nothing in life is more important than You and my total adoration of You. Draw me in, dear Lord, humble me before Your glory and help me to love and worship You with my whole being. Jesus, I trust in You.
40 Days at the Foot of the Cross – Reflection Forty – The Silence of the Tomb
Mga Kapanguhaan alang sa Kwaresma
Mga Pag-ampo alang sa Semana Santa
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos/Kasaulogan Karong Adlawa
Mga Kapilian sa mga Basahon sa Misa
