May 16, 2020
Saturday of the Fifth Week of Easter
Readings for Today
Paminaw sa Iningles
“Hinumdomi ang pulong nga Akong gisulti kaninyo, ‘Walay ulipon nga labaw sa iyang agalon.’ Kon gilutos nila Ako, lutoson usab nila kamo.” John 15:20
Gusto ba nimong mahisama kang Jesus? Kon mao, pagmatngon sa kahulogan niini. Sayon rang maghunahuna nga kon mas masuod kita kang Cristo, mas higugmaon ug masabtan kita sa kalibotan. Mahimo kitang maghunahuna nga makita sa tanan ang atong pagkabalaan ug dayegon kini, ug mahimong maayo ug sayon ang tanan sa kinabuhi.
Apan igo lang natong tan-awon ang kinabuhi ni Cristo aron mahibaloan nga dili kini mao ang tinuod. Dayag nga hingpit Siya sa tanang paagi. Bisan pa niini, gitratar Siya uban sa dakong kadaotan ug paglutos. Lisod tugkaron ang mangitngit nga kamatuoran nga gipatay gayod nila Siya. Sa kangitngit sa kagabhion, gidakop Siya, gipailalom sa usa ka bakak nga husay, gihukmang sad-an ug gisentensiyahan sa kamatayon. Dayon gipatuman dayon ang Iyang silot.
Nganong gibuhat man nila kini sa Anak sa Diyos? Nganong gitratar man sa hilabihang kabangis ang Usa nga hingpit ug maluluy-on sa tanang paagi?
Kon didto pa kita, isip Iyang unang mga sumusunod, lagmit makurat, mahadlok, matay-og ang atong pagtuo, ug maglibog kita. Tingali maghunahuna kita nga nasayop si Jesus ug mawad-an kita og paglaom diha Kaniya. Apan hingpit ang Iyang plano sa tanang paagi, ug ang Iyang pag-antos sa bakak nga mga sumbong ug malisyosong paglutos usa gayod ka mahinungdanong bahin niini. Ug pinaagi sa gawasnong pagdawat niining pagmaltrato, gitubos Niya ang kalibotan.
Busa balikan nato ang unang pangutana, “Gusto ba nimong mahisama kang Jesus?” Lisod kini nga pangutana kon atong tan-awon pinasikad sa nahitabo Kaniya. “Walay ulipon nga labaw sa iyang agalon.” “Kon gilutos nila Ako, lutoson usab nila kamo.” Lisod dawaton ug uyonan kining mga pulonga.
Ang paglutos dili angay natong likayan pinaagi sa pagkalagiw. Dili kita angay mawad-an og paglaom kon mahitabo kini, ug dili usab kita angay magduko sa kaulaw. Ngano man? Kay ang paglutos usa ka tin-aw nga timaan nga nagsunod kita sa mga tunob sa atong Agalon. Tungod sa paglutos, mas lawom ang atong pagkahiusa kang Cristo kay sa atong mahunahunaan.
Ang hinungdanon mao ang pagkahibalo nga tuyo sa Diyos nga gamiton ang tanang pagmaltrato alang sa kaayohan kon tugotan nato Siya. Ug gitugotan nato Siya sa paggamit niini alang sa kaayohan kon itugyan nato kini Kaniya ug dawaton nga kinabubut-on, dili nga nagdumot. Ang atong tubag kinahanglan mao ang “pagmaya ug paglipay” kay giisip kitang takos sa pagsunod sa mga tunob sa atong Diyosnong Ginoo.
Pamalandongi karong adlawa ang bisan unsang matang sa paglutos o inhustisya nga imong giantos tungod sa imong pagtuo ug pagdawat sa Ebanghelyo, ug dawata kini sa kinasingkasing. Gusto sa Ginoo nga gamiton kana kon tugotan nimo Siya.
Lord, I do surrender to You all that weighs me down. I give any suffering I receive for being Your follower. May I not only imitate You in Your suffering, but also in Your willing embrace of it. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos/Kasaulogan Karong Adlawa
Mga Kapilian sa mga Basahon sa Misa
Image: The Flagellation of Christ by Nicola Grassi
40 Days at the Foot of the Cross:
A Gaze of Love from the Heart of Our Blessed Mother
