May 27, 2020
Wednesday of the Seventh Week of Easter
Readings for Today
Santo Agustin sa Canterbury, Obispo—Opsiyonal nga Handumanan
Paminaw sa Iningles
“Gihatag Ko kanila ang Imong pulong, ug gidumtan sila sa kalibotan, kay dili sila iya sa kalibotan, sama nga Ako dili iya sa kalibotan. Wala Ako maghangyo nga kuhaon Mo sila gikan sa kalibotan, kondili nga panalipdan Mo sila gikan sa Daotan. Dili sila iya sa kalibotan, sama nga Ako dili iya sa kalibotan. Balaana sila diha sa kamatuoran. Ang Imong pulong mao ang kamatuoran.” John 17:14–17
“Balaana sila diha sa kamatuoran. Ang Imong pulong mao ang kamatuoran.” Mao kana ang yawe sa paglahutay!
Gipadayag sa Balaang Kasulatan ang tulo ka pangunang tentasyon nga atong giatubang sa kinabuhi: ang unod, ang kalibotan ug ang yawa. Kining tulo naningkamot sa pagpahisalaag kanato. Apan kining tanan mabuntog pinaagi sa usa ka butang…ang Kamatuoran.
Kining teksto sa Ebanghelyo sa ibabaw piho nga naghisgot sa “kalibotan” ug sa “daotan.” Ang daotan, nga mao ang yawa, tinuod nga naglungtad. Gidumtan kita niya ug ginabuhat niya ang tanan niyang mahimo aron ilimbong kita ug gub-on ang atong kinabuhi. Gisulayan niya nga pun-on ang atong hunahuna sa walay sulod nga mga saad, gitanyagan kita og lumalabay nga kalipay, ug gidasig kita sa hakog nga mga ambisyon. Bakakon na siya sukad pa sa sinugdan ug nagpabiling bakakon hangtod karon.
Usa sa mga tentasyon nga gitanyag sa yawa kang Jesus sa Iyang kap-atan ka adlaw nga pagpuasa sa pagsugod sa Iyang publikong ministeryo mao ang tentasyon nga maangkon ang tanan nga ikatanyag sa kalibotan. Gipakita sa yawa kang Jesus ang tanang gingharian sa Yuta ug miingon, “Kining tanan ihatag ko Kanimo, kon mohapa Ka ug mosimba kanako.”
Una sa tanan, binuang kadto nga tentasyon kay si Jesus mao na man ang Magbubuhat sa tanang butang. Apan bisan pa niana, gitugotan Niya ang yawa nga tintalon Siya niining kalibotanong pagdani. Nganong gibuhat man Niya kini? Kay nasayod si Jesus nga kitang tanan tintalon sa daghang pagdani sa kalibotan. Daghan kitag gipasabot sa pulong nga “kalibotan.” Usa sa mosantop sa hunahuna, niining atong panahon, mao ang tinguha nga dawaton kita sa kalibotan. Usa kini ka hilabihan ka maliputon nga salot nga nakaapekto sa daghan kaayo, lakip na sa atong Simbahan mismo.
Tungod sa gamhanang impluwensiya sa media ug sa tibuok-kalibotang kultura sa politika, mas kusog karon kay sa kaniadto ang pagpamugos kanato isip mga Kristohanon nga mopahiuyon na lang sa dagan sa atong panahon. Gitintal kita sa pagbuhat ug pagtuo sa mga butang nga popular ug gidawat sa katilingban. Ug ang “ebanghelyo” nga atong gitugot nga madungog mao ang kalibotanong panglantaw nga walay pagtagad sa kalainan sa maayo ug daotan.
Adunay kusog nga hilig sa kultura (usa ka tibuok-kalibotang hilig tungod sa Internet ug media) nga mahimong mga tawo nga andam modawat sa bisan unsa ug sa tanan. Nawala na ang atong pagbati sa moral nga integridad ug kamatuoran. Busa, labaw pa kay sa kaniadto, kinahanglan natong dawaton ug sundon karon ang mga pulong ni Jesus. “Ang Imong Pulong mao ang Kamatuoran.” Ang Pulong sa Dios, ang Ebanghelyo, ang tanan nga gitudlo sa atong Katesismo, ang tanan nga gipadayag sa atong pagtuo mao ang Kamatuoran. Kining Kamatuoran kinahanglan maoy atong kahayag nga mogiya kanato, ug wala nay lain.
Pamalandongi karon kon unsa kadako ang impluwensiya sa sekular nga kultura kanimo. Nagpadala ka na ba sa sekular nga pagpamugos, o sa sekular nga mga “ebanghelyo” sa atong panahon? Gikinahanglan ang kalig-on aron makasukol niining mga bakak. Makasukol lamang kita niini kon magpabilin kitang gibalaan diha sa Kamatuoran.
Lord, I do consecrate myself to You. You are the Truth. Your Word is what I need to stay focused and to navigate through the many lies all around me. Give me strength and wisdom so that I may always remain in Your protection away from the evil one. Jesus, I trust in You.
Novena to the Holy Spirit
Prayed in preparation for Pentecost
Day Six – Wednesday, May 27
Dugang nga mga Pamalandong sa Ebanghelyo
Mga Pamalandong sa Diosnong Kalooy
Santos sa Adlaw – San Agustin sa Canterbury, Obispo
Mga Kapilian sa mga Basahon sa Misa
Image: Jesus Tempted by Carl Heinrich Bloch
