June 10, 2020
Wednesday of the Tenth Week in Ordinary Time
Readings for Today
Paminaw sa Iningles
“Amen, sultihan ko kamo, hangtod nga mahanaw ang langit ug ang yuta, dili gayod mawala gikan sa balaod bisan ang labing gamay nga letra o ang labing gamay nga bahin sa usa ka letra, hangtod nga matuman ang tanang butang.” Matthew 5:18
Makapainteres kining pamahayag ni Jesus. Daghan ang mahimong isulti bahin niini mahitungod sa balaod ug sa pagtuman ni Jesus sa balaod. Apan usa ka butang nga angay pamalandongan mao ang dakong paningkamot ni Jesus sa pagpatin-aw sa kamahinungdanon dili lamang sa usa ka letra sa balaod, kondili, sa mas tukmang pagkasulti, sa labing gamay nga bahin sa usa ka letra.
Ang kinatas-ang balaod sa Diyos, nga gidala ngadto sa kahingpitan diha kang Cristo Jesus, mao ang gugma. “Higugmaa ang Ginoo nga imong Diyos sa tibuok mong kasingkasing, sa tibuok mong hunahuna, sa tibuok mong kalag ug sa tibuok mong kusog.” Ug, “Higugmaa ang imong isigkatawo sama sa imong kaugalingon.” Kini ang kinahingpitang katumanan sa balaod sa Diyos.
Kon atong tan-awon kining teksto sa ibabaw diha sa kahayag sa kahingpitan sa balaod sa gugma, madungog nato si Jesus nga nag-ingon nga ang mga detalye sa gugma, bisan ang labing gamay nga detalye, adunay hilabihang kamahinungdanon. Sa pagkatinuod, ang mga detalye maoy makapatubo pag-ayo sa gugma. Kon mas gagmay ang mga detalye nga atong hatagan og pagtagad diha sa paghigugma sa Diyos ug sa isigkatawo, mas hingpit usab ang atong pagtuman sa balaod sa gugma.
Pamalandongi karong adlawa kadtong mga tawo nga gibutang sa Diyos sa imong kinabuhi aron imong higugmaon. Ilabina kining magamit sa mga sakop sa pamilya ug, labaw sa tanan, sa mga magtiayon. Unsa ka matinagdanon sa matag gamayng buhat sa kaayo ug kaluoy? Kanunay ka bang mangita og mga higayon sa pagsulti og mga pulong nga makapadasig? Naningkamot ka ba, bisan sa labing gagmay nga mga detalye, sa pagpakita nga may pagtagad ka, nga anaa ka alang kanila, ug nga nabalaka ka alang kanila? Ang gugma anaa sa mga detalye, ug ang mga detalye makapadako niining mahimayaong katumanan sa balaod sa gugma sa Diyos.
Lord, help me to be attentive to all the big and many small ways I am called to love You and others. Help me, especially, to look for the smallest of opportunities to show this love and thus fulfill Your law. Jesus, I trust in You.
Novena to the Sacred Heart
Novena dates:June 10-18, 2020
June 19, 2020: Solemnity of the Sacred Heart
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos/Kasaulogan Karong Adlawa
Mga Kapilian sa mga Basahon sa Misa
