July 2, 2020
Thursday of the Thirteenth Week of Ordinary Time
Readings for Today
Paminaw sa Iningles
Sa pagkakita ni Jesus sa ilang pagtuo, miingon Siya sa paralitiko, “Isog, anak, gipasaylo na ang imong mga sala.” Mateo 9:2b
Kini nga sugilanon natapos sa pag-ayo ni Jesus sa paralitiko ug sa pag-ingon kaniya nga “bangon, dad-a ang imong higdaanan ug pauli.” Gibuhat gayod kini sa tawo ug nahibulong ang mga panon sa katawhan.
Adunay duha ka milagro nga nahitabo dinhi. Ang usa lawasnon ug ang usa espirituhanon. Ang espirituhanong milagro mao ang pagpasaylo sa mga sala niining tawhana. Ang lawasnong milagro mao ang pag-ayo sa iyang pagkaparalitiko.
Hain niining mga milagro ang mas mahinungdanon? Hain kaha niini ang labing gitinguha sa maong tawo?
Lisod tubagon ang ikaduhang pangutana kay wala kita mahibalo sa gihunahuna sa maong tawo, apan sayon ang unang pangutana. Ang espirituhanong pagkaayo, ang pagpasaylo sa iyang mga sala, mao gayod ang labing mahinungdanon niining duha ka milagro. Kini ang labing mahinungdanon tungod kay adunay kini walay kataposang sangpotanan alang sa iyang kalag.
Alang sa kadaghanan kanato, sayon ang pag-ampo sa Dios alang sa mga butang sama sa lawasnong pagkaayo o uban pang susama niini. Mahimong sayon ra kaayo alang kanato ang pagpangayo og mga pabor ug panalangin gikan sa Dios. Apan unsa kasayon alang kanato ang pagpangayo og pasaylo? Mahimong mas lisod kini alang sa daghan kay nagkinahanglan kini nga magpaubos una kita. Nagkinahanglan kini nga ilhon una nato nga kita mga makasasala nga nanginahanglan og pasaylo.
Ang pag-ila nga nanginahanglan kita og pasaylo nagkinahanglan og kaisog, apan kining kaisog usa ka dakong hiyas ug nagpadayag sa dakong kalig-on sa atong kinaiya. Ang pagduol kang Jesus aron mangayo sa Iyang kalooy ug pasaylo sa atong kinabuhi mao ang labing mahinungdanong pag-ampo nga atong mahimo ug ang sukaranan sa tanan natong ubang mga pag-ampo.
Pamalandongi karong adlawa kon unsa ka kaisog sa pagpangayo og pasaylo sa Dios ug kon unsa ka mapainubsanon nga andam sa pag-ila sa imong sala. Ang pagpaubos sa imong kaugalingon sa ingon niini nga paagi usa sa labing mahinungdanong mga butang nga imong mahimo.
Lord, give me courage. Give me courage, especially, to humble myself before You and to acknowledge all my sin. In this humble acknowledgment, help me to also seek Your daily forgiveness in my life. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos/Kasaulogan Karong Adlawa
Mga Kapilian sa mga Basahon sa Misa
Image: Christ healing the lame at the pool of Bethesda by Peter van Lint
