Monday, August 24, 2020
Pista ni San Bartolome, Apostol
Paminaw sa Iningles
Nakita ni Jesus si Nathanael nga nagpadulong Kaniya ug miingon Siya mahitungod kaniya, “Ania ang usa ka tinuod nga anak sa Israel. Walay pagpakaaron-ingnon diha kaniya.” Miingon si Nathanael Kaniya, “Giunsa Mo man ako pagkaila?” Mitubag si Jesus kaniya, “Sa wala pa ikaw tawga ni Philip, nakita Ko na ikaw ilalom sa kahoyng igos.” Mitubag si Nathanael Kaniya, “Rabbi, Ikaw ang Anak sa Dios; Ikaw ang Hari sa Israel.” John 1:47-49
Sa imong unang pagbasa niini nga teksto, tingali mobati ka nga kinahanglan nimong balikon ug basahon kini pag-usab. Sayon ra kining basahon ug maghunahuna nga may nalaktawan ka. Nganong igo ra man gisultihan ni Jesus si Nathanael (nga gitawag usab og Bartolome) nga nakita Niya siya nga naglingkod ilalom sa kahoyng igos, ug igo na kadto aron motubag si Nathanael, “Rabbi, Ikaw ang Anak sa Dios; Ikaw ang Hari sa Israel.” Sayon rang malibog kon giunsa ni Nathanael pagkab-ot dayon nianang maong konklusyon gikan sa gisulti ni Jesus mahitungod kaniya.
Apan matikdi kon giunsa ni Jesus paghulagway si Nathanael. Siya usa ka tawo nga “walay pagpakaaron-ingnon.” Ang ubang mga hubad nag-ingon nga siya “walay paglimbong.” Busa unsa man ang gipasabot niini?
Kon ang usa ka tawo adunay pagpakaaron-ingnon o paglimbong, nagpasabot kini nga duha siyag nawong ug malimbongon. Batid siya sa pagpangilad. Kini usa ka kinaiya nga makuyaw ug makamatay. Apan ang pagsulti sa kaatbang niini, nga ang usa ka tawo “walay pagpakaaron-ingnon” o “walay paglimbong,” usa ka paagi sa pag-ingon nga siya matinud-anon, prangka, sinsero, bukas ug tinuod.
Si Nathanael usa ka tawo nga gawasnong mosulti sa iyang gihunahuna. Niining higayona, dili kay naghatag si Jesus og usa ka makapakombinsir nga argumento nga nakabase sa pangatarongan mahitungod sa Iyang pagka-Dios; wala gani Siya mosulti og bisan unsa bahin niini. Hinuon, ang nahitabo mao nga kining maayong hiyas ni Nathanael, ang iyang pagkawalay pagpakaaron-ingnon, nakapahimo kaniya sa pagtan-aw kang Jesus ug sa pagkaamgo nga Siya “ang tinuod gayod.” Ang maayong batasan ni Nathanael sa pagkamatinud-anon, pagkasinsero ug pagkabukas nakapahimo kaniya dili lamang sa pagpadayag kon kinsa si Jesus, kondili usab sa pagtan-aw sa uban nga mas tin-aw ug matinud-anon. Ug kining kinaiyaha nakahatag kaniya og dakong kaayohan sa dihang nakita niya si Jesus sa unang higayon ug nasabtan dayon niya ang pagkahalangdon sa Iyang pagkatawo.
Pamalandongi karon kon unsa ka kagawasnon gikan sa paglimbong ug pagpakaaron-ingnon. Usa ka ba usab ka tawo nga hilabihan ka matinud-anon, sinsero ug bukas? Tinuod ka ba gayod sa imong pagkatawo? Ang pagkinabuhi niining paagiha mao lamang ang maayong paagi sa pagkinabuhi. Kini usa ka kinabuhi nga gisubay sa kamatuoran. Pag-ampo nga tabangan ka sa Dios nga motubo niining hiyasa karon pinaagi sa pagpangamuyo ni San Bartolome.
Lord, help me to be free of duplicity and guile. Help me to be a person of honesty, integrity and sincerity. Thank You for the example set by Saint Bartholomew. Give me the grace I need to imitate his virtues. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Saint of the Day – Saint Bartholomew the Apostle
Mga Kapilian sa mga Basahon sa Misa
Image: Nathaniel Under the Fig Tree by James Tissot
