August 25, 2020
Tuesday of the Twenty-First Week of Ordinary Time
Readings for Today
San Luis, Hari—Opsyonal nga Handumanan
San Jose de Calasanz, Pari—Opsyonal nga Handumanan
Paminaw sa Iningles
“Alaut kamo, mga eskriba ug mga Pariseo, mga salingkapaw! Gihinloan ninyo ang gawas sa kopa ug plato, apan sa sulod puno kini sa mga inilog ug pagpatuyang sa kaugalingon. Buta nga Pariseo, hinloi una ang sulod sa kopa, aron mahinlo usab ang gawas niini.” Mateo 23:25-26
Bisan tuod daw mapintas kining prangka kaayong mga pulong ni Jesus, sa pagkatinuod mga pulong kini sa kalooy. Mga pulong kini sa kalooy tungod kay dakong paningkamot ang gihimo ni Jesus aron matabangan ang mga Pariseo nga makasabot nga kinahanglan silang maghinulsol ug maghinlo sa ilang mga kasingkasing. Bisan tuod ang unang mensahe nga “Alaut kamo” maoy diha-diha nga makadani sa atong pagtagad, ang tinuod nga mensahe nga angay natong madungog mao ang “hinloi una ang sulod.”
Gipadayag niini nga teksto nga posible kitang mahimutang sa usa sa duha ka kahimtang. Una, posible nga ang sulod sa usa ka tawo puno sa “mga inilog ug pagpatuyang sa kaugalingon” samtang ang iyang gawas daw hinlo ug balaan. Mao kini ang problema sa mga Pariseo. Gihatagan nila og dakong pagtagad ang ilang panagway sa gawas apan gamay ra ang ilang pagtagad sa sulod. Usa kini ka problema.
Ikaduha, gipadayag sa mga pulong ni Jesus nga ang labing maayo mao ang pagsugod sa paghinlo sa sulod. Sa higayon nga mahitabo kini, ang resulta mao nga ang gawas mahinlo usab ug mosidlak. Hunahunaa ang tawo nga anaa niining ikaduhang kahimtang, ang tawo nga unang gihinloan sa sulod. Kining tawhana makapadasig ug adunay matahom nga kalag. Ug ang matahom niini mao nga kon ang kasingkasing sa usa ka tawo tinuod nga mahinloan ug maputli, kining katahom sa sulod dili magpabilin nga natago. Kinahanglan gayod kining mosidlak, ug mamatikdan kini sa uban.
Pamalandongi karon kon unsa kasayon makita ang pagsidlak sa katahom sa imong sulodnong kinabuhi. Makita ba kini sa uban? Mosidlak ba ang imong kasingkasing? Masanagon ba ikaw? Kon dili, tingali kinahanglan usab nimong madungog kining mga pulong nga gisulti ni Jesus ngadto sa mga Pariseo. Tingali kinahanglan ka usab badlongon uban sa gugma ug kalooy aron madasig ka sa pagtugot kang Jesus nga mosulod ug molihok aron hinloan ka sa gamhanang paagi.
Lord, please do come into my heart and cleanse me thoroughly. Purify me and allow that purity and holiness to shine forth exteriorly in a radiant way. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos sa Adlaw –
Saint Louis, King
Also
Saint Joseph of Calasanz, Priest
Mga Kapilian sa mga Basahon sa Misa
Image: Curses Against the Pharisees by James Tissot
_-_James_Tissot.jpg){kind=link}