Machi 1, 2022
Jumanne ya Juma la Nane la Kipindi cha Kawaida
Masomo ya Leo
Sikiliza kwa Kiingereza
Petro akaanza kumwambia Yesu, “Tumeacha kila kitu na kukufuata Wewe.” Marko 10:28
Wengine wanaitwa kuacha mambo mengi na kumfuata Kristo. Kwa mfano, wapo wanaoitwa kuishi maisha ya kimonaki au kuishi kifungoni kama masista. Kwa kweli wanaacha kila kitu cha ulimwengu huu ili kuutafuta na kuuitikia mwaliko wa Kristo wa kumfuata kwa namna hii ya kujitoa kabisa.
Hata hivyo, sisi sote tunaitwa kuacha “kila kitu” ili kumfuata Kristo, kila mmoja kwa namna yake ya pekee. Kwa kuacha kila kitu, tunaitwa kusalimisha kikamilifu matakwa yetu wenyewe na mambo tunayopendelea maishani ili kumtumikia Kristo kulingana na mpango Wake wa kimungu. Hili linaweza kufanyika kwa namna nyingi lakini, hatimaye, daima ni mwito wa kuacha kila kitu.
Habari njema ni kwamba “kuacha kila kitu” si kitu kingine ila kuacha malengo yetu ya ubinafsi na mambo tunayopendelea maishani. Habari iliyo njema zaidi ni kwamba maisha ambayo Mungu ametuandalia ni bora zaidi kuliko tunavyoweza kuota au kufikiria. Kwa hiyo, kwa kusema “Hapana” kwa matakwa yetu wenyewe na kwa kufanya mambo kwa namna yetu wenyewe, kwa hakika tunasema “Ndiyo” kwa kufanya mambo kwa namna kamilifu ya Mungu.
Kwa nini tusitamani kutafuta mapenzi Yake pekee kila siku ya maisha yetu? Kwa nini tusitamani kumtumikia Yeye na kuutumikia mpango Wake mkamilifu? Hili linaweza kufanyika kwa kuzihudumia familia zetu. Kuwapa hata wakati ambapo hatuna hamu ya kufanya hivyo. Linaweza kumaanisha kujitahidi kupata furaha katika matendo madogo ya huduma na upendo. Kwa wengine, linaweza kumaanisha kuacha mafungamano yote ya kawaida ya maisha ili kutafuta mapenzi Yake kwa namna ya kujitoa kabisa zaidi. Hata uwe na mwito gani maalumu maishani, inafaa kuyakubali mapenzi ya Mungu.
Tafakari leo jinsi ulivyo tayari na mwenye nia ya kumwambia Kristo “Ndiyo,” bila kujali anachokuomba. Je, uko tayari kusema “Ndiyo” hata kwa yale ambayo bado hajakufunulia? Sema “Ndiyo” leo kwa lolote litakalokujia maishani siku zijazo, na Mungu atakubariki kwa wingi.
Bwana wangu unayestahili kutumainiwa, hata iwe ni nini unachoniita kufanya maishani, jibu langu ni “Ndiyo.” Nataka kuyatumikia mapenzi Yako bila ubinafsi na kwa ukamilifu. Nisaidie kuuishi mwito huo kwa moyo wa ukarimu na upendo. Yesu, nakutumainia.
Tafakari juu ya Huruma ya Mungu
Tafakari za Maandiko Matakatifu kwa Kipindi cha Mwaka
Machaguo ya Masomo ya Misa Takatifu
Picha zilizoangaziwa hapo juu: Agizo la Kristo kwa Petro, na Raphael, kupitia Wikipedia
Vitabu viwili bora kwa Kwaresima:
Tafakari za Kwaresima na Pasaka
Zimesasishwa kwa ajili ya Kwaresima & Pasaka 2022 kwa kuongezwa tafakari nyingine na Orodha ya Yaliyomo yenye maelezo ya kina zaidi
Tafakari za Kwaresima na Pasaka ni kimoja kati ya vitabu vinne vinavyounda Mfululizo wa Tafakari za Kila Siku za Kikatoliki. Kikiwa kitabu cha kukuza maisha ya kiroho, ni nyenzo bora kwa tafakari na sala za kila siku, kikitoa tafakari kuhusu Injili ya siku kwa namna inayohusiana na maisha ya vitendo, iliyo aminifu kwa imani na inayoeleweka kwa urahisi. Kimepangwa kwa namna inayowezesha kutumiwa katika mwaka wowote wa kiliturujia, kikitoa tafakari kwa kila chaguo la Injili, yakiwemo yale ya Jumapili katika Miaka A, B & C, kila chaguo la Misa Takatifu ya kila siku, na Sikukuu na Sherehe zote. Ruhusu kifo na ufufuko wa Kristo viubadilishe moyo wako kwa ukamilifu zaidi katika Kwaresima na Pasaka hii! Kinapatikana pia katika mfumo wa kitabu chenye jalada laini & kitabu cha kielektroniki!
Siku 40 Chini ya Msalaba:
Mtazamo wa Upendo kutoka Moyoni mwa Mama Yetu Mwenye Heri
Kupitia kitabu hiki cha ibada ya kila siku, unaalikwa kutafakari kwa sala mawazo na moyo wa Mama yetu Mwenye Heri alipovumilia mateso makali aliyotendewa Mwanawe mwenyewe mpendwa. Mama Maria aliukabili Msalaba wa Mwanawe kwa imani, upendo na moyo wa kujitoa ulio kamili. Uaminifu wake kwa Mwanawe katika maisha Yake yote haukuyumba. Aliposimama mbele ya Msalaba katika muda ule mrefu wa saa tatu, uaminifu huo haukukoma kamwe.
.jpg){kind=link}