Ang Lawom nga Katubigan sa Pagtuo

Sunday, February 10, 2019

Fifth Sunday in Ordinary Time, Year C

Mga Pagbasa Karong Adlawa

Saint Scholastica, Virgin – Memorial

“Palawod kamo ngadto sa lawom ug itaktak ang inyong mga pukot aron makadakop ug isda.”  Lucas 5:4

Angayng matikdan nga si Jesus wala lamang mosugo kang Pedro ug sa mga Apostoles nga mopalawod; hinuon, gisugo Niya sila nga mopalawod ngadto sa “lawom nga tubig.”  Kini adunay dakong kahulogan.

Sa pagtapos sa dakong tuig sa hubileo sa 2000, si San Papa Juan Pablo II misulat ug usa ka apostolikong sulat, Novo Millennio Ineunte, nga iyang gisugdan pinaagi sa pagkutlo niining tudling sa Ebanghelyo.  Kini nga tudling naghatag sa pangunang diwa sa tibuok niyang sulat, diin nanawagan siya alang sa bag-ong ebanghelisasyon sa umaabot nga milenyo.

“Palawod kamo ngadto sa lawom!”  Unsay angay natong makat-onan niini?  Unsa ang angay natong madungog nga gisulti ni Jesus kanato?  Angay natong madungog ang Iyang pagtawag kanato nga “itaktak ang atong mga pukot” sa walay kakapoy ug uban sa bug-os nga paghalad sa kaugalingon aron madani ang daghang uban pa ngadto sa Ebanghelyo.  Sa dihang gibuhat kini ni Pedro ug sa mga Apostoles didto sa sakayan, daghan kaayo silang nadakop nga isda nga nagkagisi ang ilang mga pukot, ug nahingangha gayod sila.  Kini usa ka buhat nga adunay matagnaong kahulogan nga gihatag kanato aron ipakita nga kinahanglan kitang magsangyaw sa Ebanghelyo uban sa labing dakong kadasig ug kainit sa pagtuo, nga mangita sa tanang dapit sa nangawala nga mga karnero sa Diyos.

Ang kalibotan nga atong gipuy-an mahimong mapintas usahay.  Daghan kaayong mga tawo ang nahisalaag ug naglibog.  Kaylap ang sala ug komon ang pagkawalay paglaom.  Ang atong kalibotan nanginahanglan gayod ug Manluluwas, ug kita ang buot gamiton ni Jesus aron makahakop ug daghang isda ug makakaplag niadtong labing nanginahanglan.  Gitinguha ni Jesus nga dakpon sa mga Apostoles ang mga isda sa lawom nga katubigan isip paagi sa pag-ingon nga adunay dili maihap nga mga kalag sa atong kalibotan nga layo sa Diyos.  Adunay daghang tawo nga “naglangoy” sa kadagatan sa kalibog ug kasakit.  Kini gayod nga mga tawo ang ilabinang buot danihon ni Jesus ngadto Kaniya.  Atong responsibilidad ang pagpatalinghog sa sugo sa atong Ginoo ug ang pagpangita kanila.

Pamalandongi karong adlawa kining mga pulong ni Jesus: “Palawod kamo ngadto sa lawom nga tubig.”  Sa unsang paagi kini gipangayo ni Jesus kanimo?  Sa unsang paagi ka Niya gitawag nga mobiya sa imong naandang kaharuhay ug “itaktak ang imong mga pukot”?  Unsa ang Iyang gitinguha gikan kanimo, ug sa unsang paagi ka Niya buot gamiton aron mapalambo ang misyon sa ebanghelisasyon?  Patalinghogi ang Iyang sugo ug ikaw usab mahingangha sa maayong bunga nga motungha!

Lord, I desire to give myself to You for Your service and glory.  I desire to go forth, at Your command, looking for the souls in most need of Your abundant mercy.  Give me the grace I need to be faithful to the calling You have given to me so that Your loving mercy will reach those most in need.  Jesus, I trust in You.

Dugang nga mga Pamalandong sa Ebanghelyo

Mga Pamalandong sa Diosnong Kalooy

Saint of the Day – Saint Scholastica