Sunday, July 21, 2019
Sixteenth Sunday of Ordinary Time, Year C
Saint Lawrence of Brindisi, Priest and Doctor – Optional Memorial
Paminaw sa Iningles
“Marta, Marta, nabalaka ug nahingawa ka sa daghang mga butang. Usa lamang ka butang ang gikinahanglan. Gipili ni Maria ang mas maayong bahin ug dili kini kuhaon gikan kaniya.” Lucas 10:41-42
It’s only normal for each of us to desire the “better part.” Though this may be the result of a certain selfishness within us, it may also come from a holy desire when the “better part” is identified as the will of God in our lives. Conversely, sometimes we can tend to choose what we perceive as better for us, when in fact it’s not better at all.
Gipadayag niining tekstoha nga si Maria mipili sa usa ka butang nga angay natong tanan tinguhaon sa kinabuhi. Mipili siya sa paglingkod sa tiilan ni Jesus ug sa yano lamang nga pagpakig-uban Kaniya. Naghimo si Marta og maayong pag-alagad pinaagi sa pag-andam sa pagkaon ug pagkugi sa trabaho, apan si Maria nagtutok sa usa lamang ka butang: ang iyang Ginoo.
Mahinungdanon nga ilhon nato nga kitang tanan adunay mga higayon sa kinabuhi nga kinahanglan kitang mas mahisama kang Marta. Adunay trabaho nga kinahanglang humanon, mga buluhaton sa panimalay nga kinahanglang tapuson, ug ang nagkalainlaing matang sa pagpangabudlay maoy naandang bahin sa matag adlaw nga kinabuhi. Apan kinahanglan usab natong pahinumdoman ang atong kaugalingon matag adlaw nga adunay usa ka butang nga dili gayod nato angay kalimtan: ang pagpakig-uban kang Jesus diha sa kahilom ug pag-ampo sa pagsimba mao ang labing mahinungdanong butang nga atong mahimo. Wala kini magpakamenos sa ubang mga buluhaton nga kinahanglan natong humanon matag adlaw, apan nagpadayag kini nga dili gayod nato angay pasagdan ang labing mahinungdanon.
Pinaagi sa pagpunting sa pagpili ni Maria sa paglingkod sa Iyang tiilan, gipahinumdoman kitang tanan ni Jesus sa kamahinungdanon sa yano lamang nga pagpakig-uban Kaniya. Kini ang tawag sa kinabuhing kontemplatibo nga gihatag dili lamang sa mga monghe ug madre nga nagpuyo sa siradong mga monasteryo ug kumbento, kondili usa usab ka pagdapit alang kanatong tanan. Kinahanglan kitang tanan mangitag mga higayon sa pagpahulay uban kang Jesus taliwala sa atong puliking mga adlaw.
Pamalandongi karon ang hulagway ni Maria nga hilom nga naglingkod sa tiilan ni Jesus. Himoon kining hulagway nga usa ka simbolikong pagdapit sa pagbuhat sa ingon karong adlawa. Nakaampo ka na ba karon? Nakalingkod ka na ba sa kahilom uban sa atong Ginoo? Naningkamot ka na ba nga mosulod sa lawom nga pagsimba Kaniya pinaagi sa pag-ampo ug pagpamalandong? Pilia ang “mas maayong bahin” karong adlawa ug imong makita nga ang tanan nga uban pang mga butang mas mahimutang sa husto nilang dapit.
Lord, I do love You and desire to adore You this day and always. Help me to regularly seek moments of deep prayer with You through which I rest in Your glorious presence. May I find moments to live this “better part” every day so that I may enjoy Your full presence forever in eternity. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Saint of the Day – Saint Lawrence of Brindisi
