January 1, 2020
Solemnity of the Blessed Virgin Mary, the Mother of God
The Octave Day of Christmas, January 1
Readings for Today
Paminaw sa Iningles
Ug gitipigan ni Maria kining tanang butanga, nga iyang gipamalandongan sa iyang kasingkasing. Lucas 2:19
Dili makompleto ang atong Oktaba sa Pasko kon dili nato hatagan og talagsaong pagtagad ang mahimayaong Inahan sa Dios! Si Maria, ang inahan ni Jesus, ang inahan sa Manluluwas sa Kalibotan, angay gayod tawgong “Inahan sa Dios.” Takos pamalandongan kining gamhanang titulo sa atong Mahal nga Inahan. Ug mahinungdanong sabton nga kining tituloha adunay gipadayag bahin kang Jesus sama usab sa gipadayag niini bahin sa Iyang Mahal nga Inahan.
Sa pagtawag kang Maria nga “Inahan sa Dios,” giila nato ilabina ang usa ka kamatuoran sa kinabuhi sa tawo. Ang usa ka inahan dili lamang gigikanan sa unod sa iyang anak, dili lamang siya inahan sa lawas sa iyang mga anak; siya ang inahan nianang maong persona. Ang pagka-inahan dili lamang usa ka biyolohikal nga butang; kini sagrado ug balaan ug kabahin sa diosnong kahusay sa kabuhatan sa Dios. Si Jesus mao ang iyang Anak ug kining Anaka mao ang Dios. Busa, makataronganon gayod nga tawgon si Maria nga “Inahan sa Dios.”
Makapahingangha kining kamatuorana nga pamalandongan. Ang Dios adunay inahan! Aduna Siyay usa ka piho nga persona nga nagdala Kaniya sa iyang sabakan, nagpasuso Kaniya, nagpadako Kaniya, nagtudlo Kaniya, nahigugma Kaniya, kanunayng anaa alang Kaniya, ug namalandong kon kinsa Siya sa tibuok Niyang kinabuhi. Kining kataposang kamatuoran labi nang matahom nga pamalandongan.
Ang teksto sa Ebanghelyo sa ibabaw nag-ingon, “Ug gitipigan ni Maria kining tanang mga butanga, nga gipamalandongan sa iyang kasingkasing.” Ug gibuhat niya kini isip usa ka maamumahong inahan. Ang iyang gugma alang kang Jesus talagsaon sama sa gugma sa matag inahan. Apan, angay timan-an nga hingpit ang iyang pagka-inahan ug gihigugma niya Siya sa hingpit nga gugma—Siya nga dili lamang iyang Anak, kondili Dios usab ug hingpit sa tanang paagi. Unsay gipadayag niini? Gipadayag niini nga ang inahanong gugma nga gipaambit tali kang Maria ug kang Jesus lawom, makadasig, misteryoso, mahimayaon ug tinuod nga sagrado! Ang misteryo sa ilang gugma takos pamalandongan sa tibuok natong kinabuhi, nga padayong buhi sa atong mga kasingkasing. Siya usa ka panig-ingnan alang sa matag inahan ug usa usab ka panig-ingnan alang kanatong tanan nga nagtinguha sa paghigugma sa uban uban sa putli ug balaang kasingkasing.
Pamalandongi karon ang balaan ug makadani nga relasyon nga gipaambit ni Maria uban sa iyang Diosnong Anak. Paningkamoti nga masabtan kon unsa kaha kining gugmaha. Hunahunaa ang lawom nga pagbati ug kadasig nga mipuno sa iyang kasingkasing. Hunahunaa kon unsa kalig-on ang iyang dili matarog nga pagkamainunungon. Hunahunaa ang dili mabugto nga bugkos nga namugna tungod sa iyang gugma. Pagkatahom niining pagsauloga sa pagtapos niining Oktaba sa Adlaw sa Pasko!
Dearest Mother Mary, you loved your Divine Son with a perfect love. Your heart burned with an unquenchable fire of motherly charity. Your bond with Jesus was one that was perfect in every way. Help me to open my heart to that same love you share with me. Come be my mother and care for me as you cared for your Son. May I also love you with the love Jesus had for you and with the love He now lavishes upon you in Heaven. Mother Mary, the Mother of God, pray for us. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos/Kasaulogan Karong Adlawa
Tan-awa usab:
Ang Kalig-on sa Putli nga Kasingkasing
Ang mga Hunahuna sa Inahan sa Dios
Uban kanamo sa usa ka panaw sulod sa 365 ka adlaw uban sa Diosnong Kalooy!
Ang Daily Reflections on Divine Mercy: 365 Days with Saint Faustina magsugod sa Enero 1 pinaagi sa Pamalandong 1. Samtang nangandam kita alang niining bag-ong tuig, gidapit kamo namo nga mouban kanamo sa tibuok umaabot nga tuig aron mamalandong matag adlaw sa madagayaong Kalooy sa Dios. Gidapit usab kamo namo sa pagdapit sa inyong pamilya ug mga higala nga mouban kanamo niining panaw! Dapita sila nga mouban kanamo pinaagi sa:
- Pagpalista aron makadawat og inadlaw nga mga email bahin sa Diosnong Kalooy
- Pag-install sa among Catholic Daily Reflections nga app
- Pagbisita matag adlaw sa among website
- Pagpalit sa Daily Reflections on Divine Mercy sa paperback o eBook nga porma
Ipaambit ang madagayaong kalooy sa Dios ngadto sa inyong pamilya ug mga higala niining bag-ong tuig!
Anaa isip eBook & Librong Humok og Hapin
