February 13, 2020
Thursday of the Fifth Week in Ordinary Time
Readings for Today
Paminaw sa Iningles
Wala madugay, usa ka babaye kansang anak nga babaye gisudlan og mahugaw nga espiritu nakadungog mahitungod Kaniya. Miduol siya ug mihapa sa Iyang tiilan. Ang babaye usa ka Griyega, natawo nga Sirofenisya, ug nangamuyo siya Kaniya nga hinginlan ang yawa gikan sa iyang anak. Miingon Siya kaniya, “Pakan-a una ang mga anak. Kay dili angay nga kuhaon ang pagkaon sa mga anak ug ilabay ngadto sa mga iro.” Marcos 7:25-27
Nganong ingon man niadto ang pagsulti ni Jesus sa maong babaye? Miduol siya Kaniya, tingali uban sa kahadlok ug pagkurog, mihapa sa Iyang tiilan, ug nangamuyo Kaniya nga tabangan ang iyang anak. Sa sinugdan, tingali magdahom kita nga si Jesus motagad kaniya uban sa kalumo ug kalooy, mangutana mahitungod sa iyang anak, ug moingon kaniya, “Oo, tabangan gayod nako ang imong anak. Dad-a Ako ngadto kaniya.” Apan dili kana ang Iyang gisulti. Miingon Siya kaniya nga “dili angay nga kuhaon ang pagkaon sa mga anak ug ilabay ngadto sa mga iro.” Aguy! Tinuod ba? Gisulti ba gayod Niya kana? Nganong mosulti man Siya og ingon niana?
Una sa tanan, kinahanglan natong masabtan nga bisan unsa ang isulti ni Jesus, kini usa ka buhat sa gugma. Kini usa ka buhat sa labing dakong kaayo ug kalooy. Nasayod kita niini kay mao kini si Jesus. Siya mao gayod ang gugma ug kalooy. Busa unsaon man nato pagsabot niining daw panagsumpaki?
Ang yawe sa pagsabot niining panag-istoryaha mao ang pagtan-aw sa kataposang resulta niini. Kinahanglan natong tan-awon kon giunsa pagtubag sa babaye si Jesus ug kon giunsa pagtapos ang ilang panag-istorya. Kon buhaton nato kini, makita nato nga ang babaye mitubag uban sa talagsaong pagpaubos ug pagtuo. Tinuod ang gisulti ni Jesus. Sa usa ka paagi, masabtan nato ang Iyang gisulti nga nagpasabot nga walay bisan kinsa nga adunay katungod sa Iyang grasya ug kalooy. Walay bisan kinsa, lakip ang babaye ug ang iyang anak, nga “takos” nga molihok ang Dios sa ilang kinabuhi. Nasayod niini si Jesus ug, pinaagi sa Iyang gisulti, gihatagan Niya ang babaye og talagsaong kahigayonan sa pagpadayag sa iyang lawom nga pagtuo aron makita sa tanan. Ang Iyang mga pulong naghatag kaniya og higayon sa pagsidlak isip usa ka suga sa pagtuo, paglaom ug pagsalig. Mao kini ang tuyo ni Jesus, ug natuman kini. Natuman kini kay, sa pagduol sa babaye Kaniya, nasayod dayon Siya nga aduna gayod siyay lawom nga pagtuo. Nasayod Siya nga motubag ang babaye uban sa pagpaubos ug pagsalig. Mao gayod kana ang gibuhat sa babaye, ug tungod niini nasaksihan nato ang pagpadayag sa iyang pagtuo ug pagpaubos.
Pamalandongi karon ang matahom nga pagtuo niining mapainubsanong babaye. Sulayi pagbutang ang imong kaugalingon sa iyang kahimtang ug paminawa si Jesus nga nagsulti kanimo niining mao gihapong mga pulong. Unsaon nimo pagtubag? Motubag ka ba uban sa kasuko o kasamok sa buot? Masamdan ba ang imong garbo? O motubag ka uban sa mas lawom pang pagpaubos, nga nag-ila nga ang tanang gihatag sa Dios usa ka gasa nga wala kitay katungod nga dawaton? Ang pagtubag sa ingon niini nga paagi lagmit mao ang buhat sa pagtuo nga gipaabot sa Dios gikan sa matag usa kanato ug mao ang yawe sa pagbubo sa Iyang kalooy nga gikinahanglan kaayo nato.
Lord, please humble me. Strip away my pride. Help me to fall at Your feet. Help me to trust You so deeply that You are compelled, by my love of You, to open Your storehouse of grace and pour it down upon me. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos/Kasaulogan Karong Adlawa
