June 23, 2020
Tuesday of the Twelfth Week of Ordinary Time
Readings for Today
Paminaw sa Iningles
“Buhata ngadto sa uban ang bisan unsang buot ninyong buhaton nila kaninyo. Mao kini ang Balaod ug ang mga Propeta.” Mateo 7:12
Kining pamilyar nga mga pulong usa ka sugo sa Diyos nga gitukod diha sa Daang Tugon. Maayo kini nga sumbanan sa pagkinabuhi.
Unsa may buot nimong “buhaton kanimo” sa uban? Hunahunaa kana ug paningkamoti nga magmatinud-anon. Kon magmatinud-anon kita, kinahanglan natong angkonon nga daghan kitag gustong ipabuhat sa uban alang kanato. Gusto kitang tahoron, trataron uban sa dignidad, trataron nga makiangayon, ug uban pa. Apan sa mas lawom nga bahin sa atong pagkatawo, gusto kitang higugmaon, sabton, ilhon ug atimanon.
Sa kinahiladman sa atong kasingkasing, kinahanglan kitang tanan maningkamot sa pag-ila sa kinaiyanhong pangandoy nga gihatag kanato sa Diyos nga makig-ambit sa usa ka mahigugmaong relasyon uban sa uban, ug nga higugmaon kita sa Diyos. Kini nga pangandoy anaa sa kinauyokan sa atong pagkatawo isip tawo. Kita, isip mga tawo, gibuhat alang nianang gugmaha. Kining teksto sa Balaang Kasulatan sa ibabaw nagpadayag nga kinahanglan andam ug kinasingkasing kitang mohatag sa uban sa atong gitinguhang madawat. Kon mailhan nato sa atong kaugalingon ang kinaiyanhong mga pangandoy nga higugmaon, kinahanglan usab kitang maningkamot sa pagpalambo sa pangandoy nga mohigugma. Kinahanglan natong palambuon ang pangandoy nga mohigugma sa samang sukod sa atong pagtinguha nga kita higugmaon.
Mas lisod kini kaysa sa paminawon. Tungod sa atong makakaugalingong hilig, mamugos ug magpaabot kita og gugma ug kalooy gikan sa uban, samtang mas ubos kaayo ang atong sukdanan alang sa atong kaugalingon kon bahin sa unsa kadaghan ang atong ihatag. Ang yawe mao ang pag-una sa pagtagad sa atong katungdanan. Kinahanglan kitang maningkamot sa pagsabot kon unsa ang gitawag kanato nga buhaton ug kon giunsa kita pagtawag sa paghigugma. Samtang giila nato kini nga atong unang katungdanan ug naningkamot kita sa pagkinabuhi niini, atong madiskobrehan nga mas dako ang atong katagbawan sa paghatag kaysa sa pagtinguha nga makadawat. Atong makita nga ang “pagbuhat ngadto sa uban,” bisan unsa pay ilang “buhaton kanato,” mao gayod ang makahatag og kahingpitan sa atong kinabuhi.
Pamalandongi karon ang kinaiyanhong pangandoy sa imong kasingkasing nga higugmaon ug tahoron ka sa uban. Unya, himoa kini nga sentro sa imong pagtratar sa mga tawo sa imong palibot.
Lord, help me to do to others what I desire they do to me. Help me to use the desire in my own heart for love as the motivation for my love of others. In giving of myself, help me find fulfillment and satisfaction in that gift. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos/Kasaulogan Karong Adlawa
Mga Kapilian sa mga Basahon sa Misa
Image: Transfiguration Duccio di Buoninsegna
My Catholic Life! Series
A complete summary of the Catholic faith!
