September 26, 2020
Saturday of the Twenty-Fifth Week in Ordinary Time
Readings for Today
Saints Cosmas and Damian, Martyrs—Optional Memorial
Paminaw sa Iningles
“Paminawa pag-ayo kining akong isulti kaninyo. Ang Anak sa Tawo itugyan ngadto sa mga kamot sa mga tawo.” Apan wala sila makasabot niining gisulti; ang kahulogan niini gitago gikan kanila aron dili nila kini masabtan, ug nahadlok sila sa pagpangutana kaniya mahitungod niining gisulti. Lucas 9:44-45
Busa nganong ang kahulogan niini “gitago gikan kanila?” Makapainteres kini. Dinhi, giingnan sila ni Jesus, “Paminawa pag-ayo kining akong isulti kaninyo.” Ug unya misugod Siya sa pagpasabot nga Siya mag-antos ug mamatay. Apan wala sila makasabot. Wala nila masabti ang Iyang gipasabot ug “nahadlok sila sa pagpangutana Kaniya mahitungod niining gisulti.”
Ang tinuod, wala masuko si Jesus tungod kay wala sila makasabot. Nahibalo Siya nga dili dayon sila makasabot. Apan wala kini makapugong Kaniya sa pagsulti gihapon niini kanila. Ngano man? Kay nahibalo Siya nga moabot ang panahon nga makasabot ra sila. Apan sa sinugdan, ang mga Apostoles naminaw lamang nga medyo naglibog.
Kanus-a man nakasabot ang mga Apostoles? Nakasabot sila sa dihang mikunsad kanila ang Espiritu Santo ug mitultol kanila ngadto sa tibuok Kamatuoran. Gikinahanglan ang paglihok sa Espiritu Santo aron masabtan ang ingon ka lawom nga mga misteryo.
Mao usab kini kanato. Sa dihang atong atubangon ang misteryo sa mga pag-antos ni Jesus, ug sa dihang atong atubangon ang katinuoran sa pag-antos sa atong kaugalingong kinabuhi o sa kinabuhi sa atong mga minahal, kasagaran maglibog kita sa sinugdan. Gikinahanglan ang usa ka gasa gikan sa Espiritu Santo aron maablihan ang atong hunahuna ug makasabot kita. Kasagaran, dili malikayan ang pag-antos. Kitang tanan makasinati niini. Ug kon dili nato tugotan ang Espiritu Santo nga molihok sa atong kinabuhi, ang pag-antos modala kanato ngadto sa kalibog ug pagkawalay paglaom. Apan kon tugotan nato ang Espiritu Santo nga moabli sa atong hunahuna, magsugod kitag sabot kon sa unsang paagi ang Dios makalihok dinhi kanato pinaagi sa atong mga pag-antos, sama nga Iyang gihatag ang kaluwasan sa kalibotan pinaagi sa mga pag-antos ni Kristo.
Pamalandongi karong adlawa kon unsa ka lawom ang imong pagsabot sa mga pag-antos ni Jesus ug sa imong kaugalingong mga pag-antos. Gitugotan ba nimo ang Espiritu Santo sa pagpadayag kanimo sa kahulogan ug bisan sa bili sa pag-antos? Pag-ampo sa Espiritu Santo ug pangayoa kini nga grasya, ug tugoti ang Dios nga motultol kanimo ngadto niining lawom nga misteryo sa atong pagtuo.
Lord, I know You suffered and died for my salvation. I know that my own suffering can take on new meaning in Your Cross. Help me to more fully see and understand this great mystery and to find even greater value in Your Cross as well as mine. Jesus, I trust in You.
Ikalimang Adlaw: Nobena kang Santa Thérèse sa Lisieux – Ang Gamayng Bulak
Dugang nga mga Pamalandong sa Ebanghelyo
Mga Pamalandong sa Diosnong Kalooy
Santos sa Adlaw – Mga Santos Cosmas ug Damian, mga Martir
Mga Kapilian sa mga Basahon sa Misa
Image: The Taking of Christ by Caravaggio
.jpg){kind=link}