October 23, 2020
Friday of the Twenty-Ninth Week in Ordinary Time
Readings for Today
San Juan de Capistrano, Pari—Dili Obligadong Handumanan
Paminaw sa Iningles
Miingon si Jesus sa katawhan, “Kon makakita kamo og panganod nga mitungha sa kasadpan, moingon dayon kamo nga moulan—ug mao gayod ang mahitabo; ug kon mamatikdan ninyo nga ang hangin naghuros gikan sa habagatan, moingon kamo nga moinit—ug mao gayod kini. Mga tigpakaaron-ingnon! Kahibalo kamo mosabot sa kahulogan sa dagway sa yuta ug sa langit; nganong dili man kamo kahibalo mosabot sa kahulogan sa kasamtangang panahon?” Lucas 12:54-56
Kahibalo ka ba mosabot sa kahulogan sa kasamtangang panahon? Importante alang kanato, isip mga sumusunod ni Cristo, nga matinud-anong matan-aw ang atong mga kultura, mga katilingban, ug ang kalibotan sa kinatibuk-an, ug masabtan kini sa matinud-anon ug tukmang paagi. Kinahanglan nga mailhan nato ang kaayo ug ang presensiya sa Dios sa atong kalibotan, ug kinahanglan usab nga mailhan ug masabtan nato ang mga lihok sa daotan sa atong kasamtangang panahon. Unsa ka maayo ang imong pagbuhat niini?
Usa sa mga taktika sa daotan mao ang paggamit sa pagmaniobra ug mga bakak. Nagtinguha ang daotan nga libogon kita sa dili maihap nga mga paagi. Kining mga bakaka mahimong moabot pinaagi sa media, pinaagi sa atong mga lider sa politika ug, usahay, bisan pinaagi sa pipila ka lider sa relihiyon. Malipay ang daotan kon adunay pagkabahinbahin ug kagubot sa bisan unsang matang.
Busa unsa man ang atong buhaton kon gusto kitang “mosabot sa kahulogan sa kasamtangang panahon?” Kinahanglan nga itugyan nato sa bug-os nga kasingkasing ang atong kaugalingon ngadto sa Kamatuoran. Kinahanglan nga pangitaon nato si Jesus labaw sa tanang butang pinaagi sa pag-ampo ug tugotan ang Iyang presensiya sa atong kinabuhi nga motabang kanato sa pag-ila kon unsa ang gikan Kaniya ug unsa ang dili.
Ang atong mga katilingban nag-atubang kanato sa dili maihap nga mga pagpili nga may kalabotan sa moralidad, busa mahimong mabati nato nga ginaguyod kita ngadto sa nagkalainlaing direksiyon. Mahimong masinati nato nga gihagit ang atong panghunahuna ug, usahay, bisan ang labing sukaranang mga kamatuoran bahin sa pagkatawo giatake ug gituis. Pananglitan, hunahunaa ang aborsiyon, eutanasya, ug tradisyonal nga kaminyoon. Kining mga pagtulon-an sa atong pagtuo bahin sa moralidad padayong giatake sulod sa nagkalainlaing kultura sa atong kalibotan. Ang mismong dignidad sa tawhanong persona ug ang dignidad sa pamilya sumala sa laraw sa Dios gikuwestiyon ug direktang gisupak. Laing pananglitan sa kalibog sa atong kalibotan karon mao ang gugma sa salapi. Daghan kaayong tawo ang nalit-ag sa tinguha alang sa materyal nga bahandi ug nadani sa bakak nga kini mao ang dalan padulong sa kalipay. Ang pagsabot sa kahulogan sa kasamtangang panahon nagpasabot nga makita nato ang kamatuoran luyo sa tanang kalibog sa atong kapanahonan. Nagpasabot kini nga mailhan nato ang mga sayop sa kultura ug moralidad kon unsa gayod kini.
Pamalandongi karong adlawa kon andam ug makahimo ka ba sa pagtugot sa Espiritu Santo nga mohawan sa kalibog nga klarong anaa sa atong palibot. Andam ka ba nga tugotan ang Espiritu Santo sa Kamatuoran nga mosulod sa imong hunahuna ug mogiya kanimo ngadto sa tibuok kamatuoran? Ang pagpangita sa kamatuoran sa atong kasamtangang panahon mao lamang ang paagi aron makalahutay sa daghang sayop ug kalibog nga gipaulan kanato matag adlaw.
Lord, help me to interpret the present time and to see the errors fostered all around us, as well as Your goodness manifest in so many ways. Give me courage and wisdom so that I may reject what is evil and seek that which is from You. Jesus, I trust in You.
Prayers & Resources for the U.S. Elections
Dugang nga mga Pamalandong sa Ebanghelyo
Mga Pamalandong sa Diosnong Kalooy
Santos sa Adlaw – San Juan de Capistrano, Pari
Mga Kapilian sa mga Basahon sa Misa
Hulagway: Si Jesus nga Nagsangyaw sa Bukid, ni Gustave Dore
