January 10, 2020
Friday after Epiphany
Readings for Today
Paminaw sa Iningles
It happened that there was a man full of leprosy in one of the towns where Jesus was; and when he saw Jesus, he fell prostrate, pleaded with him, and said, “Lord, if you wish, you can make me clean.” Jesus stretched out his hand, touched him, and said, “I do will it. Be made clean.” Luke 5:12-13a
Sa makausa pa, ania kanato ang hulagway sa paghapa sa atubangan sa atong Ginoo. Niining higayona, usa ka sanlahon ang naghapa. Apan sa miaging semana lamang, sa atong pagsaulog sa Epipaniya, gipahinumdoman kita sa tulo ka Mago gikan sa Sidlakan nga miabot usab aron sa pagsimba kang Kristo ug mihapa sa Iyang atubangan.
Tingali kitang tanan gusto nga makita ang atong kaugalingon nga sama sa mga Mago, nga mianha sa pagpangita kang Kristo isip mga tawong dungganon ug gidayeg sa uban sa katilingban. Sigurado gayod nga ingon niana ang pagtan-aw sa mga tawo sa mga Mago. Apan dili usab nato angay kalimtan nga makita ang atong kaugalingon nga susama niining sanlahon nga miduol kang Jesus diha sa iyang kahuyang ug kaluya, nga mihapa sa atubangan sa atong Ginoo ug nangamuyo og kalooy. Dili, tingali wala kitay sanla sa literal nga diwa, apan kitang tanan miduol kang Jesus nga masakiton ug nanginahanglan sa Iyang kalooy ug makapaayong paghikap.
Matikdi ang gibuhat ni Jesus. Iyang “gituy-od ang Iyang kamot, gihikap siya,” ug dayon giayo siya. Wala magpanuko si Jesus, wala Niya tamaya ang sanlahon, ni nakulangan Siya bisan gamay sa kaluoy. Diha-diha dayon gibubo ni Jesus ang Iyang grasya sa pag-ayo ngadto sa kinabuhi sa sanlahon.
Samtang nagkaduol kita sa kataposan sa panahon sa Pasko uban sa umaabot nga pagsaulog sa Bunyag sa Ginoo, angay kitang mahinumdom nga kitang tanan gihikap ni Kristo diha sa Bunyag. Kining “paghikap” nagpadayon sa tibuok natong kinabuhi. Usa kini ka paghikap nga nagbalaan ug nagbag-o. Usa kini ka paghikap nga nag-ayo ug naghupay. Tugoti ang imong kaugalingon nga makasinati sa kalooy ni Jesus pinaagi sa pagduol Kaniya uban sa pagpaubos samtang giila nimo ang imong panginahanglan sa grasya. Ayaw kahadlok sa pagtugyan sa imong kaugalingon diha sa Iyang atubangan, nga nasayod ka sa walay pagduhaduha nga dili Siya magpanuko bisan sa makadiyot sa pagkab-ot kanimo ug pagtanyag sa kadagaya sa Iyang kalooy.
Lord, if You wish, You can make me clean. If You wish, You can heal me, forgive me, strengthen me and love me. I thank You in advance because I know that You do desire and choose to bless me in these and in every other way that I need. Thank You for Your mercy and grace and thank You for accepting me in my weakness. I love You, my Lord, and I do choose to fall down prostrate before You in love and adoration. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos/Kasaulogan Karong Adlawa
