January 9, 2020
Thursday after Epiphany
Readings for Today
Paminaw sa Iningles
Jesus said to them, “Today this Scripture passage is fulfilled in your hearing.” And all spoke highly of him and were amazed at the gracious words that came from his mouth. Luke 4:21-22a
Bag-o pa lang miabot si Jesus sa Nazaret, diin Siya nagdako, ug misulod sa dapit sa Templo aron sa pagbasa sa Kasulatan. Iyang gibasa ang bahin gikan kang Isaias: “Ang Espiritu sa Ginoo ania Kanako, kay gidihogan Niya Ako aron sa pagdala sa maayong balita ngadto sa mga kabos. Gipadala Niya Ako aron sa pagpahibalo sa kagawasan ngadto sa mga binilanggo ug sa pagbalik sa panan-aw sa mga buta, aron sa pagpalingkawas sa mga dinaugdaog, ug sa pagpahibalo sa usa ka tuig nga gikahimut-an sa Ginoo.” Human Niya kini mabasa, milingkod Siya ug mipahayag nga natuman na kining panagna ni Isaias.
Makapainteres ang tubag sa mga tawo sa Iyang lungsod. Silang “tanan misulti og maayo bahin Kaniya ug nahibulong sa mga pulong nga puno sa grasya nga migula sa Iyang baba.” Mao kini, sa sinugdan, ang ilang tubag. Apan kon mopadayon kita sa pagbasa, makita nato nga gihagit ni Jesus ang mga tawo ug, tungod niini, napuno sila sa kapungot ug misulay sa pagpatay Kaniya diha-diha dayon.
Kasagaran, ingon usab niini ang atong tubag kang Jesus. Sa sinugdan, mahimong mosulti kita og maayo bahin Kaniya ug mahigugmaong modawat Kaniya. Pananglitan, sa Pasko mahimo kitang mokanta og mga awit sa Pasko ug magsaulog sa Iyang adlawng natawhan uban sa kalipay ug mga kasadya. Mahimo kitang mosimba ug manghinaot og malipayong Pasko sa uban. Mahimo kitang magbutang og belen ug magdayandayan gamit ang Kristohanong mga simbolo sa atong pagtuo. Apan unsa ba kalawom kining tanan? Usahay ang mga pagsaulog ug tradisyon sa Pasko kutob lamang sa gawasnong mga buhat ug wala magpakita og tinuod nga kalawom sa Kristohanong kombiksiyon o pagtuo. Unsay mahitabo kon kining bililhong Batang Kristo mosulti og mga pulong sa kamatuoran ug sa lig-ong kombiksiyon? Unsay mahitabo kon ang Ebanghelyo motawag kanato sa paghinulsol ug pagkakabig? Unsa ang atong tubag kang Kristo niining mga higayona?
Samtang nagpadayon kita sa kataposang semana sa panahon sa Pasko, pamalandongi karon nga ang gamayng Bata nga atong gipasidunggan sa Pasko hamtong na ug karon nagsulti kanato og mga pulong sa kamatuoran. Pamalandongi kon andam ka ba sa pagpasidungog Kaniya dili lamang isip usa ka masuso, kondili usab isip Propeta sa tanang Kamatuoran. Andam ka bang maminaw sa Iyang tibuok mensahe ug modawat Kaniya uban sa kalipay? Andam ka bang motugot nga ang Iyang mga pulong sa Kamatuoran motuhop sa imong kasingkasing ug magbag-o sa imong kinabuhi?
Lord, I love You and desire that all You have spoken would penetrate my heart and draw me into all truth. Help me to accept You not only as a little child born in Bethlehem, but also as the great Prophet of Truth. May I never be offended by the words You speak, and may I always be open to Your prophetic role in my life. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos/Kasaulogan Karong Adlawa
