March 11, 2020
Wednesday of the Second Week of Lent
Readings for Today
Paminaw sa Iningles
Si Jesus mitubag, “Wala kamo masayod sa inyong gipangayo. Makainom ba kamo sa kalis nga Akong imnon?” Miingon sila Kaniya, “Makahimo kami.” Siya mitubag, “Sa Akong kalis moinom gayod kamo, apan ang paglingkod sa Akong tuo ug sa Akong wala dili Ako ang mohatag, kondili alang kini niadtong giandaman niini sa Akong Amahan.” Mateo 20:22–23
Sayon ra ang pagbaton ug maayong mga tuyo, apan igo na ba kana? Ang teksto sa Ebanghelyo sa ibabaw gisulti ni Jesus ngadto sa managsuong Santiago ug Juan human moduol Kaniya ang ilang mahigugmaong inahan ug mangayo nga mosaad Siya nga ang iyang duha ka anak molingkod sa Iyang tuo ug wala sa dihang molingkod na Siya sa Iyang harianong trono. Tingali medyo maisogon ang iyang pagpangayo niana kang Jesus, apan klaro nga ang gugma sa usa ka inahan maoy nagpaluyo sa iyang hangyo.
Apan, mahinungdanong timan-an nga wala gayod siya makasabot sa iyang gipangayo. Ug kon nakasabot pa siya, tingali wala na gayod niya pangayoa kang Jesus kining “pabor.” Si Jesus nagpaingon sa Jerusalem diin Iyang lingkoran ang Iyang trono sa Krus ug ilansang Siya sa krus. Ug niini nga kahimtang gipangutana si Jesus kon mahimo bang makauban Kaniya si Santiago ug Juan sa Iyang trono. Mao kini ang hinungdan nga nangutana si Jesus niining duha ka Apostoles, “Makainom ba kamo sa kalis nga Akong imnon?” Ug sila mitubag, “Makahimo kami.” Ug gipamatud-an kini ni Jesus pinaagi sa pag-ingon kanila, “Sa Akong kalis moinom gayod kamo.”
Gidapit sila ni Jesus sa pagsunod sa Iyang mga tunob ug sa maisogong paghalad sa ilang kinabuhi isip sakripisyo tungod sa gugma alang sa uban. Kinahanglan nilang biyaan ang tanang kahadlok ug mahimong andam ug kinabubut-ong moingon ug “Oo” sa ilang kaugalingong mga krus samtang naningkamot sila sa pag-alagad kang Kristo ug sa Iyang misyon.
Ang pagsunod kang Jesus dili angay nga katunga ra sa atong kaugalingon ang atong ihatag. Kon buot kitang mahimong tinuod nga sumusunod ni Kristo, kinahanglan usab nga atong imnon ang kalis sa Iyang Bililhong Dugo hangtod sa kinahiladman sa atong kalag ug mapalig-on niining gasa aron andam ug kinabubut-on kitang mohalad sa atong kaugalingon hangtod sa hingpit nga pagsakripisyo. Kinahanglan nga andam ug kinabubut-on kitang dili magpugong ug bisan unsa, bisan kon nagpasabot kini sa labing dakong sakripisyo.
Tinuod, diyutay ra kaayo ang tawgon nga mahimong mga martir sa literal nga diwa, apan kitang TANAN gitawag nga mahimong mga martir sa espiritu. Nagpasabot kini nga kinahanglan hingpit kaayo ang atong pagtugyan sa kaugalingon ngadto kang Kristo ug sa Iyang kabubut-on nga namatay na kita sa atong kaugalingon.
Pamalandongi karon si Jesus nga nangutana kanimo niini: “Makainom ka ba sa kalis nga Akong imnon?” Kinabubut-on mo bang mahatag ang tanan, nga walay bisan unsang pugngan? Mahimo bang hingpit ug bug-os kaayo ang imong gugma sa Dios ug sa uban nga mahimo kang martir sa labing tinuod nga kahulogan sa pulong? Paglig-on sa imong tinguha sa pag-ingon ug “Oo,” imna ang kalis sa Iyang Bililhong Dugo ug ihalad matag adlaw ang imong kinabuhi isip hingpit nga sakripisyo. Takos kini sa tanang sakripisyo, ug mahimo mo kini!
Lord, may my love for You and others be so complete that I hold nothing back. May I give my mind only to Your Truth and my will to Your Way. And may the gift of Your Precious Blood be my strength on this journey so that I may imitate Your perfect and sacrificial love. Jesus, I trust in You.
40 Days at the Foot of the Cross – Reflection Fourteen – “Do Whatever He Tells You”
Mga Kapanguhaan alang sa Kwaresma
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos/Kasaulogan Karong Adlawa
Mga Kapilian sa mga Basahon sa Misa
