March 23, 2020
Monday of the Fourth Week of Lent
Readings for Today
San Turibio sa Mogrovejo, Obispo—Dili Obligadong Paghandum
Paminaw sa Iningles
Si Jesus miingon kaniya, “Dili kamo motuo kon dili kamo makakita og mga timaan ug mga katingalahang buhat.” Ang opisyal sa hari miingon Kaniya, “Ginoo, kanaog una pa mamatay ang akong anak.” Si Jesus miingon kaniya, “Pauli na; mabuhi ang imong anak.” John 4:48–50
Sa pagkatinuod, nabuhi ang bata, ug hilabihan ang kalipay sa opisyal sa hari sa iyang pagpauli ug pagkasayod nga naayo na ang iyang anak. Kini nga pagkaayo nahitabo sa samang takna nga si Jesus miingon nga mamaayo ang bata.
Usa ka makapaikag nga angayng matikdan niining tekstoha mao ang kalainan sa mga pulong ni Jesus. Sa sinugdan, morag nasuko si Jesus sa Iyang pag-ingon, “Dili kamo motuo kon dili kamo makakita og mga timaan ug mga katingalahang buhat.” Apan dihadiha Iyang giayo ang bata ug giingnan ang amahan, “Mabuhi ang imong anak.” Nganong morag adunay panagsumpaki sa mga pulong ug buhat ni Jesus?
Angay natong timan-an nga ang unang mga pulong ni Jesus dili kaayo usa ka pagsaway; hinuon, mga pulong lamang kini sa kamatuoran. Nahibalo Siya nga daghang tawo ang kulang sa pagtuo, o labing menos huyang ang pagtuo. Nahibalo usab Siya nga ang “mga timaan ug mga katingalahang buhat” usahay makatabang sa mga tawo aron sila motuo. Bisan tuod layo sa labing maayong kahimtang ang panginahanglan nga makakita og “mga timaan ug mga katingalahang buhat,” gigamit kini ni Jesus. Iyang gigamit kining tinguha alang sa usa ka milagro isip paagi sa pagtanyag sa pagtuo.
Ang mahinungdanong sabton mao nga ang kataposang tumong ni Jesus dili ang pisikal nga pagkaayo, bisan tuod kini usa ka buhat sa dakong gugma; hinuon, ang Iyang kataposang tumong mao ang pagpalig-on sa pagtuo niining amahana pinaagi sa pagtanyag kaniya sa gasa sa pagkaayo sa iyang anak. Mahinungdanong sabton kini kay ang tanang atong masinati sa kinabuhi gikan sa atong Ginoo adunay tumong nga mapalawom ang atong pagtuo. Usahay kini moabot pinaagi sa “mga timaan ug mga katingalahang buhat,” samtang sa ubang higayon mahimo kining Iyang presensiya nga nagpalig-on kanato taliwala sa pagsulay, bisan walay makita nga timaan o katingalahang buhat. Ang tumong nga angay natong paningkamotan mao ang pagtuo pinaagi sa pagtugot nga bisan unsay buhaton sa atong Ginoo sa atong kinabuhi mahimong tinubdan sa paglig-on sa atong pagtuo.
Pamalandongi karon kon unsa kalig-on ang imong pagtuo ug pagsalig. Ug paningkamoti nga mailhan ang mga lihok sa Diyos sa imong kinabuhi aron kini makapalig-on pa sa imong pagtuo. Kupot pag-ayo Kaniya, tuo nga gihigugma ka Niya, hibaloi nga anaa Kaniya ang tubag nga imong gikinahanglan, ug pangitaa Siya sa tanang butang. Dili gayod ka Niya pakyason.
Lord, please increase my faith. Help me to see You acting in my life and to discover Your perfect love in all things. As I see You at work in my life, help me to know, with greater certainty, Your perfect love. Jesus, I trust in You.
40 Days at the Foot of the Cross – Reflection Twenty-Six – The Holy Women and Veronica
Mga Kapanguhaan alang sa Kwaresma
Prayers to Combat the Coronavirus Pandemic and Mass Online
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos/Kasaulogan Karong Adlawa
Mga Kapilian sa mga Basahon sa Misa
