March 24, 2020
Tuesday of the Fourth Week of Lent
Readings for Today
Paminaw sa Iningles
Miingon si Jesus kaniya, “Bangon, dad-a ang imong banig, ug lakaw.” Diha-diha naayo ang tawo, gidala niya ang iyang banig, ug milakaw. John 5:8–9
Atong tan-awon ang usa sa klarong simbolikong kahulogan sa teksto sa ibabaw. Ang tawo nga giayo ni Jesus paralisado ug dili makalakaw ni makaatiman sa iyang kaugalingon. Gipasagdan siya sa uban samtang naglingkod siya didto sa daplin sa lim-aw, nga naglaom nga adunay malooy ug motagad kaniya. Nakita siya ni Jesus ug gihatagan sa Iyang bug-os nga pagtagad. Human sa mubo nga panag-istorya, giayo siya ni Jesus ug giingnan nga mobangon ug molakaw.
Usa ka klarong simbolikong mensahe mao nga ang iyang pisikal nga pagkaparalisado usa ka hulagway sa sangpotanan sa sala sa atong kinabuhi. Kon makasala kita, atong “giparalisar” ang atong kaugalingon. Ang sala adunay seryosong mga sangpotanan sa atong kinabuhi, ug ang labing klaro niini mao nga dili na kita makabangon ug makalakaw sa mga dalan sa Diyos. Ilabina ang bug-at nga sala, nagbilin kanato nga walay gahom sa paghigugma ug pagkinabuhi diha sa tinuod nga kagawasan. Gibilanggo kita niini ug gihikawan sa katakos sa pag-atiman sa atong kaugalingong espirituhanong kinabuhi o sa uban sa bisan unsang paagi. Mahinungdanon nga makita nato ang mga sangpotanan sa sala. Bisan ang gagmay nga mga sala makababag sa atong mga katakos, makapahurot sa atong kusog, ug makabakol kanato sa espirituhanong paagi, sa gamay o dakong sukod.
Hinaot nga nahibalo ka na niini ug dili kini bag-ong pagpadayag alang kanimo. Apan ang kinahanglan nga mahimong bag-o kanimo mao ang matinud-anong pag-angkon sa imong pagkasad-an karon. Kinahanglan nimong makita ang imong kaugalingon niini nga sugilanon. Wala ayoha ni Jesus kining tawhana alang lamang sa kaayohan niining usa ka tawo. Usa sa mga hinungdan nga giayo Niya siya mao ang pagsulti kanimo nga nakita ka Niya sa imong kahimtang nga nadugmok samtang nasinati nimo ang mga sangpotanan sa imong sala. Nakita Niya ang imong panginahanglan, mitan-aw Siya kanimo, ug gitawag ka Niya nga mobangon ug molakaw. Ayaw pakamenosa ang kamahinungdanon sa pagtugot Kaniya nga maghatag og kaayohan sa imong kinabuhi. Ayaw kalimti ang pag-ila bisan sa kinagamayang sala nga adunay mga sangpotanan diha kanimo. Tan-awa ang imong sala, tugoti si Jesus nga makita kini, ug paminawa Siya nga nagsulti og mga pulong sa kaayohan ug kagawasan.
Pamalandongi karon kining gamhanang panagtagbo sa bakol nga tawo ug ni Jesus. Ibutang ang imong kaugalingon nianang talan-awona ug hibaloi nga kining pag-ayo gihimo usab alang kanimo. Kon wala ka pa makakumpisal niining Kwaresma, duol sa Kumpisal ug diskobrehi ang pag-ayo ni Jesus diha nianang Sakramento. Ang Kumpisal mao ang tubag ngadto sa kagawasan nga nagpaabot kanimo, ilabina kon moduol ka niini uban sa pagkamatinud-anon ug sa bug-os nga pag-angkon sa imong mga sala.
Lord, please forgive me for my sins. I desire to see them and to acknowledge the consequences they impose upon me. I know that You desire to free me from these burdens and to heal them at the source. Lord, give me courage to confess my sins to You, especially in the Sacrament of Reconciliation. Jesus, I trust in You.
40 Days at the Foot of the Cross – Reflection Twenty-Seven – Humiliation – Stripped of Garments
Mga Kapanguhaan alang sa Kwaresma
Prayers to Combat the Coronavirus Pandemic and Mass Online
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos/Kasaulogan Karong Adlawa
Mga Kapilian sa mga Basahon sa Misa
