Cebuano

Pagpasidungog

Mayo 26, 2020
Martes sa Ikapitong Semana sa Pasko sa Pagkabanhaw
Mga Basahon Karong Adlawa

San Felipe Neri, Pari—Paghandum

Paminaw sa Iningles

Mihangad si Hesus sa langit ug miingon, “Amahan, miabot na ang takna. Pasidunggi ang Imong Anak, aron ang Imong Anak magpasidungog Kanimo.”  Juan 17:1

Ang pagpasidungog sa Anak buhat sa Amahan, apan usa usab kini ka buhat nga angay natong tanan nga hatagan og pagtagad!

Una sa tanan, angay natong ilhon nga ang “takna” nga gihisgotan ni Hesus mao ang takna sa Iyang Paglansang sa Krus.  Sa sinugdan, daw masulob-on kini nga takna.  Apan sa balaang panglantaw, giila kini ni Hesus nga takna sa Iyang himaya.  Mao kini ang takna nga ang Amahan sa Langit nagpasidungog Kaniya tungod kay hingpit Niyang gituman ang kabubut-on sa Amahan.  Hingpit Niyang gidawat ang Iyang kamatayon alang sa kaluwasan sa kalibotan.  

Kinahanglan usab natong tan-awon kini gikan sa atong tawhanong panglantaw.  Sa atong inadlaw-adlaw nga kinabuhi, kinahanglan natong masabtan nga kining “takna” mahimo natong padayong dawaton ug pamungahon.  Kinahanglan natong kanunayng puy-an ang “takna” ni Hesus.  Sa unsang paagi?  Pinaagi sa kanunayng pagdawat sa Krus sa atong kinabuhi, aron ang maong krus mahimo usab nga takna sa pagpasidungog.  Sa pagbuhat niini, makita nato ang atong mga krus sa balaang panglantaw, ug mabalaan kini aron mahimong tinubdan sa grasya sa Diyos.

Ang katahom sa Ebanghelyo mao kini: ang matag pag-antos nga atong giagwanta ug ang matag krus nga atong gipas-an usa ka kahigayonan sa pagpakita sa Krus ni Kristo.  Gitawag kita Niya sa kanunayng pagpasidungog Kaniya pinaagi sa pagkinabuhi sa Iyang pag-antos ug kamatayon diha sa atong kaugalingong kinabuhi.

Pamalandongi karong adlawa ang mga kalisdanan nga imong giantos.  Ug hinumdomi nga diha kang Kristo, ang maong mga kalisdanan mahimong makaambit sa Iyang makaluwas nga gugma kon tugotan nimo Siya. 

Hesus, gitugyan ko Kanimo ang akong krus ug ang akong mga kalisdanan.  Ikaw ang Diyos ug makahimo Ka sa pag-usab sa tanang butang ngadto sa himaya.  Hesus, misalig ako Kanimo.

Nobena sa Espiritu Santo
Giampo isip pagpangandam sa Pentekostes
Ikalimang Adlaw – Martes, Mayo 26

Dugang nga mga Pamalandong sa Ebanghelyo

Mga Pamalandong sa Diosnong Kalooy

Tanang Santos/Mga Kapistahan

Santos sa Adlaw – San Felipe Neri, Pari

Mga Kapilian sa mga Basahon sa Misa

Hulagway: Flickr