Pagmatikod sa mga Sala sa Uban

September 11, 2020
Friday of the Twenty-Third Week in Ordinary Time
Readings for Today

Paminaw sa Iningles

“Nganong imong mamatikdan ang puling sa mata sa imong igsoon, apan dili nimo makita ang sagbayan nga kahoy sa imong kaugalingong mata?” Lucas 6:41

Pagkatinuod gayod niini! Sayon kaayong makita ang gagmayng mga sayop sa uban apan, sa samang higayon, dili nato makita ang atong kaugalingong mas dayag ug mas seryosong mga sayop. Nganong ingon man niini?

Una sa tanan, lisod makita ang atong kaugalingong mga sayop tungod kay ang atong sala sa pagkamapahitas-on nagbuta kanato. Ang pagkamapahitas-on nagpugong kanato sa bisan unsang matinud-anong pagsusi sa kaugalingon. Nahimo kining maskara nga atong gisul-ob aron magpakita og dili tinuod nga pagkatawo. Ang pagkamapahitas-on usa ka mangil-ad nga sala kay nagpahilayo kini kanato gikan sa kamatuoran. Nagpugong kini kanato sa pagtan-aw sa atong kaugalingon diha sa kahayag sa kamatuoran ug, tungod niini, dili nato makita ang troso sa atong kaugalingong mata.

Kon puno kita sa pagkamapahitas-on, aduna pay laing mahitabo. Magsugod kitag tutok sa matag gamayng sayop sa mga tawo sa atong palibot. Makapainteres nga kining Ebanghelyo naghisgot sa kalagmitan nga makita ang “puling” sa mata sa imong igsoon. Unsay gisulti niini kanato? Gisultihan kita niini nga ang mga puno sa pagkamapahitas-on dili kaayo interesado sa pagpakaulaw sa tawo nga nakahimog bug-at nga sala. Hinuon, lagmit nilang pangitaon kadtong gagmay ra og mga sala, mga sala nga sama sa “puling,” ug paningkamotan nilang ipakita nga mas seryoso kini kay sa tinuod. Makapasubo nga kadtong nalulong sa pagkamapahitas-on mobati nga mas dakong hulga kanila ang santos kay sa tawo nga nakahimog bug-at nga sala.

Pamalandongi karon kon nakigbisog ka ba sa hilig sa paghukom sa mga tawo sa imong palibot. Ilabinang pamalandongi kon mas mapintas ka ba sa pagsaway niadtong naningkamot sa pagkabalaan. Kon mao kini ang imong hilig, mahimong nagpadayag kini nga mas dako ang imong pakigbisog sa pagkamapahitas-on kay sa imong naamgohan.

Lord, humble me and help me to be free of all pride. May I also let go of judgmentalness and see others only in the way You want me to see them. Jesus, I trust in You.