December 14, 2019
Saturday of the Second Week of Advent
Readings for Today
San Juan ng Krus, Pari at Pantas ng Simbahan—Paggunita
“I tell you that Elijah has already come, and they did not recognize him but did to him whatever they pleased. So also will the Son of Man suffer at their hands.” Then the disciples understood that he was speaking to them of John the Baptist. Matthew 17:12-13
Sa patuloy nating pagninilay tungkol kay San Juan Bautista, makikita nating hindi naunawaan ng mga eskriba ang kanyang tungkulin bilang Elias. Hindi nila nakita na ginagampanan niya ang tungkulin ni Elias na ihanda ang daan para sa Panginoon.
Bagaman may natatangi at tiyak na tungkulin si Juan sa paghahanda para sa pagdating ni Kristo, bawat isa sa atin ay mayroon ding tungkulin sa paghahanda para sa Kanyang patuloy na pagdating. Dumating na si Hesus minsan, maraming taon na ang nakalilipas, ngunit nais Niyang patuloy na dumating sa ating buhay. At makararating lamang Siya kung maghahanda tayo nang wasto para sa Kanya.
Paano mo “inihahanda ang daan ng Panginoon?” Paano mo ipinagpapatuloy ang gawain ni Juan Bautista? Ginagawa mo ito, lalo na ngayong Adbiyento, sa pamamagitan ng pagsunod sa pangunahing mensahe ni Juan. At ano ang kanyang pangunahing mensahe? Ang kanyang mensahe ay pagsisihan natin ang ating kasalanan.
Bagaman lahat tayo ay nakikipagbaka sa kasalanan dahil sa ating kalikasang pantao na napinsala ng pagkahulog sa kasalanan, hindi natin dapat kalimutan kailanman na tinatawag tayo sa pagiging ganap. Tinatawag tayong maging ganap gaya ng pagiging ganap ng Ama sa Langit. Tinatawag tayong kilalanin ang ating mga kasalanan, ikumpisal ang mga ito, at magsikap na makalaya sa ating pagkakapit sa mga ito.
Ang Adbiyento ay isa sa pinakamahahalagang panahon ng taon upang gawin ito, at lalong mahalaga na hanapin natin ang biyaya ng Sakramento ng Pakikipagkasundo sa banal na panahong ito.
Pagnilayan mo ngayon kung gaano ka kahanda at kusang-loob na mangaral sa sarili mong kaluluwa tungkol sa kahalagahan ng pagsisisi sa iyong mga kasalanan. Ang buong-pusong pagsisisi sa banal na panahong ito ang pinakamainam na paraan upang maghanda para sa patuloy na pagdating ni Kristo sa iyong buhay.
Lord, help me to see my sin as we enter more deeply into this Advent season. Help me to be aware of the many things that keep me from You and to turn from them wholeheartedly. Jesus, I trust in You.
Higit pang mga Pagninilay sa Ebanghelyo
Mga Pagninilay sa Inaawit na Awa ng Diyos
