May 5, 2021
Wednesday of the Fifth Week of Easter
Readings for Today
Paminaw sa Iningles
I am the vine, you are the branches. Whoever remains in me and I in him will bear much fruit, because without me you can do nothing. John 15:5
Ang unang katingalahang butang nga angay natong mailhan niining tekstoha mao ang yano nga kamatuoran nga gusto sa Diyos nga mamunga og maayong bunga ang imong kinabuhi. Gusto usab Niyang ipaabot ang Iyang grasya ug kalooy sa kalibotan pinaagi kanimo. Ang punoan sa ubas dili mamunga nga kini lamang, kondili pinaagi sa mga sanga. Busa, kon atong dawaton kining pagtulon-an sumala sa tin-aw niining kahulogan, ang Diyos nag-ingon nga gipili Niya nga ipaabot ang Iyang grasya ug kalooy sa imong kinabuhi ug sa kalibotan pinaagi kanimo.
Aron mas maklaro kining balaang misyon nga gihatag kanatong tanan, si Jesus nagpahayag og usa ka lawom kaayong kamatuoran. Miingon Siya, “kon wala ako, wala kamoy mahimo.” Sa pagpamalandong niining mga pulonga sa atong Ginoo, makatabang ang pagsusi kon unsay kahulogan sa pulong nga “wala.” Gipunting ni San Agustin nga gidugang ni Jesus ang “wala kamoy mahimo” aron ipasiugda ang kamatuoran nga, sa atong kaugalingon lamang ug pinaagi sa atong kaugalingong paningkamot, dili kita makapatungha bisan og “gamay” nga maayong bunga. Pananglitan, sama kini sa pagputol og usa ka gamayng sanga gikan sa punoan sa mansanas ug paglaom nga ang maong sanga mamunga og mansanas.
The fruit that God wants to produce also takes place within your soul, in the form of the Fruits of the Holy Spirit. These fruits consist of love, joy, peace, patience, kindness, goodness, faithfulness, gentleness, and self-control (See Galatians 5:22–23). Each one of these gifts from God will have the effect of transforming you more fully into an image of God Himself in our world. Try to take a moment to consider each one of those Fruits of the Holy Spirit. Each one is very desirable. Growing in a desire for them will help you grow in a desire for the Holy Spirit in your life.
Kon pamalandongan ang duha ka bahin sa teksto sa Ebanghelyo nga gikutlo sa ibabaw, tin-aw usab nga kon ibulag nato ang atong kaugalingon gikan sa Diyos, dili gayod nato masinati bisan ang usa sa mga Bunga sa Espiritu Santo. Kon wala kitay lig-ong pagkahiusa sa atong Diyos, wala kitay gugma, kalipay, pailob, pagkamabination, ug uban pa. Walay bisan usa niini nga mahimong maangkon gawas kon ang atong kinabuhi lig-ong nahiusa sa Punoan sa Ubas, nga mao si Kristo Mismo. Busa, makatabang ang pag-ugmad og maayong pangandoy alang niining maayong mga bunga, ingon man og balaang kahadlok nga mawala kini.
Pamalandongi karon ang matahom ug makahuloganong hulagway sa punoan sa ubas ug sa mga sanga nga gihatag kanato ni Jesus. Hunahunaa ang usa ka punoan sa ubas ug dayon handurawa ang imong kaugalingon nga lig-ong nasumpay nianang punoana. Pabilin sa mainampuong pagpamalandong nianang hulagwaya ug tugoti ang Diyos nga makigsulti kanimo. Buot Niyang magbuhat og dagkong mga butang diha kanimo ug pinaagi kanimo. Kon mokupot ka lamang Kaniya sa tibuok mong kasingkasing, mamunga ka og daghang maayong bunga.
Jesus, ang Punoan sa Ubas, Ikaw ang tinubdan sa tanang kaayo, ug kon wala Ka, wala akoy mahimo. Tabangi ako nga kanunayng mahinumdom kon unsa Ka nako gikinahanglan pag-ayo sa akong kinabuhi, ug tabangi ako nga kanunayng mokupot Kanimo. Palihog patunghaa ang daghang maayong bunga sa akong kinabuhi ug, pinaagi kanako, sa kalibotan. Jesus, nagsalig ako Kanimo.
Mga Pag-ampo sa Pasko sa Pagkabanhaw
Dugang nga mga Pamalandong sa Ebanghelyo
Mga Pamalandong sa Diosnong Kalooy
Mga Santos/Kasaulogan Karong Adlawa
Mga Kapilian sa mga Basahon sa Misa
Mga hulagway nga gipakita sa ibabaw: kuha ni Dimitris Vetsikas gikan sa Pixabay
