May 13, 2020
Wednesday of the Fifth Week of Easter
Readings for Today
Mahal nga Birhen sa Fatima—Opsiyonal nga Handumanan
Paminaw sa Iningles
“Ako ang tinuod nga punoan sa ubas, ug ang akong Amahan mao ang tig-atiman sa ubasan. Iyang tangtangon ang matag sanga nga ania Kanako nga dili mamunga, ug ang matag sanga nga mamunga Iyang pul-ongan aron mas daghan pa ang bunga niini.” Juan 15:1–2
Andam ka bang magpapul-ong? Gikinahanglan ang pagpul-ong aron ang usa ka tanom makapamunga og daghang maayong bunga o makapamulak og matahom nga mga bulak. Pananglitan, kon pasagdan lang nga motubo ang punoan sa ubas nga dili pul-ongan, mamunga kini og daghang gagmayng ubas nga walay kapuslanan. Apan kon atimanon ug pul-ongan ang punoan, mamunga kini og kinadaghanang maayong ubas.
Gigamit ni Jesus kining hulagway sa pagpul-ong aron tudloan kita og susamang leksiyon bahin sa pagpamunga og maayong bunga alang sa Iyang Gingharian. Gusto Niya nga mabungahon ang atong kinabuhi ug gusto Niyang gamiton kita isip gamhanang mga galamiton sa Iyang grasya dinhi sa kalibotan. Apan gawas kon andam kitang moagi matag karon ug unya sa pagputli pinaagi sa espirituhanong pagpul-ong, dili kita mahimong mga galamiton nga magamit sa Dios.
Ang espirituhanong pagpul-ong mahitabo kon tugotan nato ang Dios nga wagtangon ang mga bisyo sa atong kinabuhi aron maatiman ug mapalambo pag-ayo ang mga hiyas. Mahitabo kini ilabina kon tugotan nato Siya nga magpaubos kanato ug magwagtang sa atong garbo. Mahimong masakit kini, apan ang kasakit nga kauban sa pagpaubos kanato sa Dios usa ka yawe sa espirituhanong pagtubo. Samtang motubo kita sa pagkamapainubsanon, mas mosalig kita sa tinubdan sa atong sustento imbes nga mosalig sa atong kaugalingon, sa atong kaugalingong mga ideya ug mga plano. Ang kaalam sa Dios walay kinutobang labaw kay sa atoa, ug kon padayon kitang modangop Kaniya isip atong tinubdan, mas molig-on kita ug mas maandam sa pagtugot Kaniya nga magbuhat og dagkong mga butang pinaagi kanato. Apan, sa makausa pa, nagkinahanglan kini nga tugotan nato Siya sa pagpul-ong kanato.
Ang pagpaagi sa espirituhanong pagpul-ong nagpasabot nga tinuyo natong buhian ang atong kaugalingong kabubut-on ug mga ideya. Nagpasabot kini nga itugyan nato ang pagkontrol sa atong kinabuhi ug tugotan ang batid nga tig-atiman sa ubasan nga maoy modumala. Nagpasabot kini nga mas dako ang atong pagsalig Kaniya kay sa atong pagsalig sa atong kaugalingon. Nagkinahanglan kini og tinuod nga pagkamatay sa atong kaugalingon ug tinuod nga pagkamapainubsanon diin atong giila nga bug-os kitang nagsalig sa Dios, sama nga ang sanga nagsalig sa punoan sa ubas. Kon wala ang punoan sa ubas, malaya kita ug mamatay. Ang pagpabiling lig-ong nakadugtong sa punoan sa ubas mao lamang ang dalan ngadto sa kinabuhi.
Pag-ampo karong adlawa nga tugotan nimo ang Ginoo sa pagpul-ong sa tanan nga dili iya Niya diha sa imong kinabuhi. Salig Kaniya ug sa Iyang diosnong plano, ug hibaloi nga kini lamang ang dalan aron mamunga ka sa maayong bunga nga gusto sa Dios nga ipamunga pinaagi kanimo.
Lord, I pray that You prune away all my pride and selfishness. Purify me of my many sins so that I can turn to You in all things. And as I learn to rely upon You, may You begin to bear an abundance of good fruit in my life. Jesus, I trust in You.
Dugang nga mga Pamalandong sa Ebanghelyo
Mga Pamalandong sa Diosnong Kalooy
Santos sa Adlaw – Mahal nga Birhen sa Fatima
Mga Kapilian sa mga Basahon sa Misa
Ang Mistikal nga Panaw ngadto sa Pakighiusa sa Dios:
Espirituhanong Kaalam gikan kang San Juan de la Cruz
